Azərbaycanda şoran torpaqların istifadəsi metodları hazırlandı

Azərbaycanda şoran torpaqların istifadəsi metodları hazırlandı

Azərbaycanda şoran torpaqların istifadəsi metodları hazırlandı

"Azərbaycanın mərkəzi hissəsində suvarılan şorlaşmış boz-çəmən torpaqların istifadəsi metodları" işlənib hazırlanıb, artıq layihəyə patent də verilib.

VTB-də minimal faiz dərəcəsi ilə nağd kredit 10.49%-dən

BunuTorpaqşünaslıq və Aqrokimya İnstitutunun direktoru Əlövsət Quliyev deyib.

Onun sözlərinə görə, kompleks tədqiqatlar əsasında Azərbaycanın mərkəzi hissəsində şorlaşmış boz-çəmən torpaqların su-fiziki xassələri, kollektor-drenaj sistemlərin müasir vəziyyəti, qrunt sularının minerallığı və torpaqda duzların miqdarının dəyişməsinin dinamikası, su-duz rejimi və balansı, onların uzun müddətli proqnozu öyrənilib.

Tədqiqatların nəticələri şorlaşmış boz-çəmən torpaqlarının münbitliyinin yüksəldilməsi və aqrosenozların məhsuldarlığının artırılmasına yönəldilib.

Ə.Quliyev qeyd edib ki, təqqiqatın nəticələri hazırda Rusiya Ümumittifaq Meliorasiya və Hidrotexnika İnstitutunun Meşerski filialında 3 Saylı elmi tədqiqat proqramında istifadə edilir.

Azərbaycanda isə tədqiqatın nəticələri Muğan düzünün Sabirabad rayonu, Minbaşı kəndinin fermer təsərrufatındakı suvarılan boz-çəmən torpaqlarında tətbiq edilib. Burada pambıq, taxıl və yonca bitkilərinin əkini üçün istifadə olunan ərazilərdə bitkilərin məhsuldarlığının 20-25% artırılmasına nail olunub.

Şoran torpaqlar Azərbaycanın düzənlik rayonlarında quru bozqır və səhra-bozqır zonasında daha geniş yayılıb. Belə torpaqlar respublika ərazisinin 1,3-1,5%-ni əhatə edir. Mil-Qarabağ, Muğan-Salyan, Şirvan düzlərində, Samur-Dəvəçi ovalığı, Naxçıvan düzü və Abşeron yarımadasının suvarılan zonalarında bu torpaqlar daha geniş yayılıblar. Bu torpaqların şoranlığı qərbdən şərqə Xəzər dənizi sahillərinə doğru artır.

YATIRIM İNDİ DAHA RAHAT

13.01.2020 07:08