Bu həftə ABŞ ilə Çin arasında ticarət sazişinin imzalanması ilə yanaşı, açıqlanacaq önəmli fundamental göstəricilərin zənginliyi ilə də seçilir.

EUR

Beynəlxalq valyuta birjalarında dolların aparıcı valyutalara nisbətən qiymətləri çərşənbə günü ABŞ ilə Çin arasında ticarət sazişinin ilkin mərhələsinin imzalanması öncəsi, korreksiya etməkdədir. Lakin bahalaşmanın yeni dalğasının müşahidə edilə biləcəyi proqnozlaşdırılır. Beləliklə, 1.11$-ın üzərində ticarət edilən EUR/USD məzənnəsində, yeni eniş dalğası başlaya bilər və ən yaxın hədəf 1.10$-dır. 

Bununla yanaşı, çərşənbə axşamı və cümə axşamı Bakı vaxtı ilə saat 17:30-da ABŞ-dan müvafiq olaraq inflyasiya və sənaye sektorunda aktivlik və çərşənbə günü saat 14:00-da Avrozonada sənayə istehsalı ilə bağlı açıqlanacaq önəmli fundamental göstəricilər də investorların diqqət mərkəzindədir. 

GBP

GBP/USD məzənnəsi də təzyiq altındadır və keçən həftənin minimumu qıralarsa, ucuzlaşma 1.29$-a kimi sürətlənə bilər. 

Böyük Britaniyadan isə bazar ertəsi saat 13:30-da iqtisadi inkişaf, ticarət saldosu və çərşənbə günü eyni saatda inflyasiya ilə bağlı məlumatlar açıqlanacaqdır. 

TRY

Lirədə bahalaşma müşahidə edilir və bahalaşmanın 5.78TL-yə kimi davam edə biləcəyi proqnozlaşdırılır. 

Türkiyə də bazar ertəsi saat 11:00-da cari əməliyyatlar balansı, çərşənbə axşamı saat 11:00-da pərakəndə satış, çərşənbə günü saat 11:00-da büdcə balansı ilə bağlı məlumatların və cümə axşamı saat 15:00-da Türkiyə Mərkəzi Bankının faiz qərarının açıqlanması fonunda da diqqət mərkəzində olacaqdır. 

OIL

Enerji birjalarında Avropanın Brent markalı neftinin bir barel qiymətində 65$-a kimi korreksiya müşahidə edilir. Bunun dərinləşə biləcəyinə dair ehtimallar isə çərşənbə günü saat 19:30-da açıqlanacaq Amerikanın neft və benzin ehtiyatları ilə bağlı önəmli fundamental məlumatlardan asılı olacaqdır. 

ABŞ ilə İran arasında geosiyasi mübarizənin genişlənməsi də qiymətlərə güclü təsir etməkdədir. 

GOLD

Dünyada siyasi və iqtisadi risklərin mövcudluğu, əlvan metallar bazarlarında qızıla olan tələbin aktual səviyyələrdə qalmasına səbəb olur. Belə ki, bir unsiya üzrə qiymət keçən həftə 1540$-a (49.5 $/qram) kimi ucuzlaşsa da yenidən bahalaşmağa başlayıb. Təhlillərə əsasən, qiymət sonuncu səviyyənin üzərində qaldıqca, bahalaşma 1584$-a (50.9 $/qram) kimi davam edə bilər. 

Məlumat Azərbaycanın İnvestAZ İnvestisiya şirkətinin analitikləri tərəfindən hazırlanıb.