Şirkətlər pulun içində “üzürlər”, amma yatırmağa yer yoxdur

Şirkətlər pulun içində “üzürlər”, amma yatırmağa yer yoxdur

Şirkətlər pulun içində “üzürlər”, amma yatırmağa yer yoxdur

ÖDƏNİŞSİZ FOREX SEMİNARINA QATILIN!

Azərbaycanda bəzi şirkətlər pulun içində “üzürlər”. Bu şirkətlər öz pullarını investisiya etmək üçün alətlər axtarırlar.

“Marja”nın məlumatına görə, bir sıra holdinq, sığorta şirkətləri və banklar şaxələndirilmiş investisiya etmək üçün alətlər tapmaqda çətinlik çəkirlər. İnvestisiya qaydalarına, həmçinin qanunvericiliyin tələbinə görə, şirkətlər öz vəsaitlərini bir neçə aktivə yatıraraq investisiya portfelini şaxələndirməlidirlər. Pulların hamısını depozit şəkilində bankda saxlamaq risklidir. Vəsaitlər bank depozitilə bərabər, qiymətli kağızlara, əmlaka və digər aktivlərə yatırılarsa risk azalır. Bu gün Azərbaycan şirkətləri bank depoziti və dövlət istiqrazlarından başqa, demək olar ki, seçimə malik deyillər.

Dövlət istiqrazlarının yerləşdirilməsi üzrə bu il keçirilmiş hərraclardakı sifarişlər göstərir ki, şirkətlərdə xeyli pul var. Bu il qısamüddətli və ortamüddətli dövlət istiqrazlarının yerləşdirilməsi üzrə keçirilmiş bütün hərraclarda sifarişlərin sayı çox olub, tələb təklifi üstələyib. Bu onu göstərir ki, bəzi şirkətlərdə kifayət qədər pul var, əgər əlavə qiymətli kağız (məsələn, istiqraz) buraxılışı olarsa, həmin qiymətli kağızlar alınar. Yeni istehsal və xidmət sahələrinin yaradılması ilə bağlı planları olan şirkətlər, Bakı Fond Birjasınının siyahısına (listinqinə) daxil olaraq, bank kreditlərilə müqayisədə daha aşağı faiz dərəcələri ilə borc cəlb edə bilərlər. Çünki başqa şirkətlər borc vermək üçün etibarlı tərəfdaş axtarırlar.

OFİS LƏVAZİMATLARI TOPDANSATIŞ QİYMƏTLƏRİNƏ!

Bu il Bakı Fond Birjasında dövlət istiqrazlarının yerləşdirilməsi üzrə keçirilmiş hərraclarda tələb və sifarişlər:

Tarix	Təklif	Sifariş (Tələb)
28 mart 2017-ci il	10 000 000 AZN	26,550,500.00
07 mart 2017-ci il	10 000 000 AZN	42,909,800.00
28 fevral 2017-ci il	10 000 000 AZN	23,574,200
21 fevral 2017-ci il	10 000 000 AZN	36,215,300
03 fevral 2017-ci il	15 000 000 AZN	41,647,200
27 dekabr 2016-cı il	10 000 000 AZN	14,743,300
27 dekabr 2016-cı i	10 000 000 AZN	18,284,400.00 AZN
20 dekabr 2016-cı il	10 000 000 AZN	11,585,800
20 dekabr 2016-cı il	15 000 000 AZN	23,960,200
13 dekabr 2016-cı il	10 000 000 AZN	25,734,000.00