Qlobal bazarlar bu gün ABŞ-da açıqlanacaq Sentyabr ayı kənd təsərrüfatı xaric məşğulluq, işsizlik nisbəti və maaş artımı göstəricilərinə fokuslanıb.

"Marja" xəbər verir ki, ABŞ-da məşğulluğun artım tempi, ABŞ Mərkəzi Bankının (Fed) faiz qərarında həlledici faktorlardan biridir.

İnvestorlar, pisləşən qlobal iqtisadi artıma və digər risklərə qabaqlayıcı tədbir olaraq Fed rəsmilərinin faizləri daha da aşağı salacağını gözləyirlər.  

Fed İyul və Sentyabrda faizləri  endirib. Fed sədri Cerom Pauel, faiz endirimi qərarlarını, artan qlobal risklərə görə iqtisadi artımda daha ciddi yavaşlama ehtimalına qarşı müdafiə kimi qiymətləndirmişdi.

Sentyabr ayına dair kənd təsərrüfatı xaric məşğulluq məlumatı Bakı vaxtı ilə saat 16:30-da açıqlanacaqdır. ABŞ-da Sentyabrda məşğulluğun 140 min artacağı gözlənilir. Avqustda məşğulluq 130 min nəfər artmışdı.

Eyni zamanda, ABŞ-da işsizlik nisbəti məlumatı da açıqlanacadır. Dünyanın ən böyük iqtisadiyyatında işsizlik nisbətinin Sentyabrda 3,7% olduğu proqnozlaşdırılır. Avqust da işsizlik 3,7% təşkil etmişdi.

 
Həmçinin ABŞ-da maaşların illik və aylıq saatlıq artım nisbətləri də açıqlanacaqdır. Saatlıq maaşın illik müqayisədə 3,2%, aylıq müqayisədə 0,3% artdığı proqnozlaşdırılır. İyulda artım müvafiq olaraq 3,2% və 0,4% təşkil etmişdi.

Ekspertlər ABŞ kənd təsərrüfatı xaric məşğulluq göstəricisinin pul vahidləri üçün əhəmiyyətli olacağını bildirirlər.

GƏLİRİN SƏNİ QANE ETMİRSƏ, HƏR SANİYƏ QAZANA BİLƏCƏYİN YATIRIMA BAŞLA!

Kənd təsərrüfatı məşğulluq məlumatı kənd təsərrüfatı xaricində son ay ərzində işləyən insanların sayındakı dəyişiklikləri müəyyən edir. Məşğulluğun artması ölkənin pul vahidinə müsbət təsir göstərir. Kənd təsərrüfatı xaric məşğulluq məlumatının proqnozdan yüksək çıxması dollar üçün pozitiv/buğa, aşağı çıxması isə neqativ/ayı bazarıdır. Yeni iş yerlərinin açılması və nətəcədə gəlir əldə edən insanların daha çox xərcləməsi ümumi daxili məhsul (ÜDM) üçün önəmlidir.