“Bələdiyyə şirkətimin 60 sot torpağını başqasına verib”

“Bələdiyyə şirkətimin 60 sot torpağını başqasına verib”

Bakı sakini, “Fuad MTK”nın direktoru Emil Aslanov şirkətə məxsus olan torpaq sahəsinin 60 sotunun Sumqayıt bələdiyyəsi tərəfindən ləğv edilərək digər şəxsə icarəyə verildiyini deyir.

VTB-də yüksək depozit faizləri daha çox qazandırır

O, bununla bağlı müraciətində bildirib ki, Sumqayıt şəhəri, 10-cu mikrorayon, Babək prospektində yerləşən torpaq sahəsini 2006-cı ildə “Al” şirkətindən alıb:

“Torpaq “Fuad MTK”nın ərazisi kimi rəsmiləşdirilib. Həmin ərazi 8 bloklu binanın tikilməsi üçün layihələndirilib. 2 blok artıq tikilib. Sumqayıt bələdiyyəsi 2018-ci ildə Sumqayıt İnzibati İqtisad Məhkəməsinə müraciət edərək torpağın təyinatı üzrə istifadə olunmadığına dair iddia qaldırıb. Məhkəmə həmin iddianı rədd edərək iddiaçını 200 manat məbləğində cərimə edib. 2019-cu ilin yanvar ayında bələdiyyə məhkəmə qərarı olmadan bizim icarə müqaviləsini ləğv edib. Bizim icarə müqaviləsi isə cari ilin dekabrın 31-nə kimi qüvvədədir. Torpağın 60 sotunu Rzayev Kamil Valeh oğlunun adına rəsmiləşdiriblər. Biz tikintini 2015-ci ildən davam etmək istəyirik. Ancaq ərazidə olan drenaj sistemi, kafelər tikinti aparmağımıza mane olur. Biz bu qanunsuz ləğvedilmə məsələsi ilə bağlı məhkəməyə müraciət etmişik. Məhkəmə iclası avqustun 28-də keçiriləcək”.

Məsələ ilə bağlı Sumqayıt şəhər bələdiyyəsinin mətbuat katibi Vüsal Məmmədovla əlaqə saxlanıb. O bildirib ki, sözügedən ərazinin icarə müqaviləsinin ləğviylə bağlı Sumqayıt şəhər Memarlıq və şəhərsalma İdarəsindən bələdiyyəyə təqdimat daxil olub: “Bu təqdimatı əsas götürərək bələdiyyə icarə müqaviləsini ləğv edib. Təqdimatda bildirilir ki, ərazi təyinatı üzrə istifadə olunmayıb. Orada antisanitar vəziyyət yaranıb, həmçinin baxımsız vəziyyətdə qalıb. Qarşı tərəf məsələ ilə bağlı Sumqayıt İnzibati İqtisad Məhkəməsinə müraciət edib. Məsələ məhkəmədə mübahisələndiriləcək”.

GƏLİRİN SƏNİ QANE ETMİRSƏ, HƏR SANİYƏ QAZANA BİLƏCƏYİN YATIRIMA BAŞLA!

26.08.2019 13:02

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az