"2017-nin birinci yarısında Manatın bazar dəyərinə nail olmaq mümkündür"

2017-ci ilin birinci yarısında manatın bazar dəyərinə nail olmaq mümkündür.
“Marja” xəbər verir ki, bunu tanınmış qitisadçı alim Vüqar Bayramov bildirib.
İqtisadçı yazıb:
ABŞ Federal Ehtiyatlar Sistemi (FED) uçot stavkasının artırmasına baxmayaraq manat yenidən dəyər qazanmaqdadır. Son illər ilk dəfə olaraq FED-in qərarı valyuta bazarımızda dollara olan tələbi, demək olar, artırmadı. Martın bayramlar ayı olmasına baxmayaraq idxala artan tələb bazarın xarici valyuta təklifi ilə tənzimlənir. Beynəlxalq Bankın hərraclarda zəif iştirakı da dollara olan tələbin tənzimlənməsinə imkan yaradır. Praktik olaraq, Beynəlxalq Bank valyuta bazarındakı tələbə təsir edə biləcək əsas bankdır. Adıçəkilən bankın valyuta bazarındakı passiv mövqey də dollara tələbin yüksəlməsinin qarşısını alır və nəticədə manat möhkəmlənir. Digər tərəfdən, vətəndaşların öz xarici valyutalarını manat çevirməsi milli valyutanın məzənnəsinin möhkəmlənməsini şərtləndirən səbəblərdəndir.Təbii ki, manat bazasının azalması fonunda büdcənin infrastruktur xərclərinin optimallaşdırılması da kursa birbaşa təsir göstərir. Təbii ki, manatın məzənnəsinin möhkəmlənməsi sosial və iqtisadi baxımdan məqsədəuyğundur. Və burada ən vacib məqam məzənnə stabilliyinə nail olmaqdır. Manatın məzənnəsi necə dəyişə bilər? Manat hansı hallarda möhkəmlənməkdə davam edə bilər?
Gözlənildiyi kimi, Mərkəzi Bank Dövlət Neft Fondundan transfer edilən 7.5 milyard manatı hərraclara çıxarmayacaq. Baş bank digər alətlərdən istifadə edərək dollara olan tələbi optimallaşdırır. Əgər sözügedən vəsaitdən Beynəlxalq Bankın sağlamlaşdırılması üçün istifadə ediləcəksə o zaman növbəti aylarda da Beynəlxalq Bank da hərraclarda az görsənəcək. Belə olan halda isə Mərkəzi Bank üçün manatın mövcud məzənnəsini qorumaq xeyili asan olacaq. Çünki bu hərracda əsas alıcılardan birinin xarici valyuta tələbinin hərracdan kənar ödənilməsi deməkdir. Əgər bu ssenari baş verərsə o zaman manatın məzənnəsində stabillik əldə etmək mümkündür. Təbii ki, burada manat bazası, idxalın minimumlaşdırılması, büdcə konsolidasiyası, neftin dünya bazar qiyməti kimi faktorları da yaddan çıxartmaq olmaz. Aydındır ki, büdcədən infrastruktur xərcləmələri artdıqca manat bazası genişlənəcək və idxal ehtiyacı yüksələcək və belə hallarda isə hərracalara daha çox valyuta çıxarmaqla prosesi tənzimləmək lazım olacaq.
Liberal məzənnə siyasətini tətbiq edən ölkələrdə milli valyutaların ilk 6 ayda bazar dəyərini tapması müşahidə edilib. Bu isə o deməkdir ki, oxşar təcrübə bizdə də təkrarlanarsa o zaman 2017-ci ilin birinci yarısında manatın bazar dəyərinə nail olmaq mümkündür. Bu milli valyutanın kursunda volatilliyinin azalmasına səbəb ola bilər. Məhz Mərkəzi Bankın da əsas hədəfi bu olmalıdır. Çünki məhz bundan sonra əks-dollarlaşma prosesinə başlamaq mümkündür. Əks-dollarlaşma prosesi ilə yanaşı isə manatın bazasının mərhələli genişlənməsi və bununla da iqtisadi aktivliyi bərpa etmək lazımdır.
Bəs, hansı halda dollar yenidən möhkəmlənə bilər? Dövriyyədə manat kütləsinin artması dollara yenidən tələb formalaşdıra bilər. Yəni, əgər Mərkəzi Bank manat sterilizasiyasını dayandırarsa, büdcənin infrastruktur xərcləri artarsa və eləcə də Beynəlxalq Bank bazardakı aktivliyini artırarsa bu yenidən dollara tələbi artıra bilər. Amma görünən budur ki, hələlik manat bazasının genişləndirilməsi gündəmdə deyil.
Bütövlükdə istənilən qiymətləndirmə göstərir ki, növbəti aylarda yenə də Mərkəzi Bankın hansı tənzimləyici alətlərdən istifadə etməsi əhəmiyyətli olacaq. Bazardakı psixoloji effektləri nəzərə alsaq manatın yenidən ucuzlaşmasının qarşıının alınması imkanları indi əvvəlki dövrlərə nisbətən daha yüksəkdir. Məhz yuxarıda qeyd edilən səbəblərdən hal-hazırda psixoloji üstünlük manatın tərəfindədir.
Müştərilərin xəbərləri
SON XƏBƏRLƏR
- 1 ay sonra
-
4 saat əvvəl
5-ci “Yüksəliş” müsabiqəsində 3 qalib Kapital Bankın əməkdaşıdır
-
4 saat əvvəl
Bank of Baku-dan maliyyə savadlılığına töhfə: uşaqlar üçün maarifləndirici kitabça
-
📲 İndi
Marja.az-ın WhatsApp kanalına qoşulun və xəbərlər cibinizə gəlsin.
♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az - 4 saat əvvəl
-
5 saat əvvəl
Həvəskar oyun tərtibatçılarının nəzərinə - növbəti oyun hakatonu keçiriləcək!
- 5 saat əvvəl
-
6 saat əvvəl
SOCAR-ın vitse-prezidentləri “Azər Türk Bank”ın rəhbərliyinə təyin edilib
- 6 saat əvvəl
-
7 saat əvvəl
Azercell gənclər üçün “DataMinds Bootcamp” proqramına start verdi
-
7 saat əvvəl
Abşeron və Xırdalanda kənd təsərrüfatı təyinatlı torpaqlarda tikilmiş evlər ilə bağlı açıqlama
-
8 saat əvvəl
Azərbaycan daha bir neçə beynəlxalq şirkəti elektron qaydada qeydiyyata aldı - ƏDV ÖDƏNİLMƏYƏCƏK
- 8 saat əvvəl
Son Xəbərlər

5-ci “Yüksəliş” müsabiqəsində 3 qalib Kapital Bankın əməkdaşıdır

İqtisadiyyat Nazirliyində yeni təyinatlar olub

Abşeron və Xırdalanda kənd təsərrüfatı təyinatlı torpaqlarda tikilmiş evlər ilə bağlı açıqlama

Azərbaycan daha bir neçə beynəlxalq şirkəti elektron qaydada qeydiyyata aldı - ƏDV ÖDƏNİLMƏYƏCƏK

Azərbaycanın neft fondu bu il 34,5 ton qızıl alıb

"Valyuta hərraclarında 3 milyard 718,1 milyon dollar satmışıq"

Bakıda keçirilən CulTech Hakatonu uğurla başa çatıb

Abşeron-Xızı Regional Təhsil İdarəsində maliyyə pozuntuları aşkar edilib, 33 rəhbər şəxs vəzifədən azad olunub
