Azərbaycan Assosiasiyası Rusiyanın kommunikasiya agentliyilə razılığa gəlib

Azərbaycan Assosiasiyası Rusiyanın kommunikasiya agentliyilə razılığa gəlib

Azərbaycan Assosiasiyası Rusiyanın kommunikasiya agentliyilə razılığa gəlib

Azərbaycan İctimiayyətlə Əlaqələr Mütəxəssisləri Assosiasiyası və Bakı PR Məktəbi Rusiyanın iMARS kommunikasiya agentliyi ilə əməkdaşlığa dair razılığa gəlib

Ötən həftə Bakıda keçirilmiş beynəlxalq “Baltic Weekend” kommunikasiya forumu çərçivəsində Azərbaycan İctimiayyətlə Əlaqələr Mütəxəssisləri Assosiasiyası və Bakı PR Məktəbi Rusiyanın qabaqcıl kommunikasiya agentliklərindən biri olan “iMARS” qrupu ilə əməkdaşlığa dair razılıq sənədi imzalayıb.

Azərbaycan İctimiayyətlə Əlaqələr Mütəxəssisləri Assosiasiyasından "marja"ya daxil olmuş məlumata görə, anlaşma tərəflərin iki ölkənin Azərbaycan və Rusiya bazarlarına çıxan şirkətlərinə kommunikasiya sahəsində dəstəyinin göstərilməsi sahəsində bir-biri ilə əməkdaşlıq etməsini ehtiva edir. Bundan əlavə, iMARS Communications, Azərbaycan İctimaiyyətlə Əlaqələr Mütəxəssisləri Assosiasiyası və Bakı PR Məktəbi hər iki ölkədə kommunikasiya və ictimaiyyətlə əlaqələr sahəsində əməkdaşılıq üçün dialoqun və təcrübə mübadiləsinin təmin edilməsi ilə bağlı birgə səylərin ortaya qoyulması istiqamətində razılığa gəlib.

“Biz iMARS Communications ilə əməkdaşlıq etməkdən məmnunuq. Bu gün Rusiya bizim əsas tərəfdaşlarımızdan biridir və bizim üçün hər iki ölkənin informasiya müstəvisində Azərbaycan və Rusiyanın müsbət imicinə töhfə vermək olduqca əhəmiyyətlidir. Biz əminik ki, şirkətlərimizin əldə etdiyi təcrübələr buna imkan verəcək, eləcə də ümidvarıq ki, topladığımız bilikləri bir-birimizlə mübadilə edə biləcəyik”, - deyə Azərbaycan İctimaiyyətlə Əlaqələr Mütəxəssisləri Assosiasiyasının və Bakı PR Məktəbinin rəhbəri İlham Məmmədzadə bildirib.

“Bu gün biz beynəlxalq tərəfdaşlıqlarımızı fəal şəkildə inkişaf etdiririk və biznesimizin coğrafi hüdudlarını və əhatə dairəsini genişləndirməyi planlaşdırırıq. Əminik ki, Azərbaycan olan tərəfdaşlarımızla birgə fəaliyyətimiz də bu baxımdan səmərəli olacaqdır”, - iMARS Communications şirkətinin rəhbəri Vladimir Stupnikov qeyd edib.

22.04.2019 15:22

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az