“Bu il SOCAR Gürcüstanda bir neçə yanacaqdoldurma məntəqəsi açacaq”

“Bu il SOCAR Gürcüstanda bir neçə yanacaqdoldurma məntəqəsi açacaq”

“Bu il SOCAR Gürcüstanda bir neçə yanacaqdoldurma məntəqəsi açacaq”

"Bu il “SOCAR Georgia Petroleum” MMC Gürcüstanda 2-3 yanacaqdoldurma məntəqəsi açmağı planlaşdırır".

Bunu Azərbaycan Dövlət Neft Şirkətinin (SOCAR) Gürcüstandakı törəməsi “SOCAR Energy Georgia” şirkətinin baş direktoru Mahir Məmmədov bildirib.

Onun sözlərinə görə, bu gün “SOCAR Energy Georgia” şirkəti Gürcüstan ərazisinində yerləşən infrastrukturunu genişləndirir: “Bu gün Gürcüstanda yeni yollar, magistrallar inşa edilir. Bu magistralların, yolların inşa edilməsinə şirkət reaksiya verir. Dövlət tərəfindən inşa edilən yollar boyunca müəyyən yerlər ayrılır və hansı şirkətlərin yollar və ölkənin əsas magistral arteriaları ətrafında yanacaqdoldurma məntəqələri quracağı və onu idarə edəcəyi müəyyən edilir. Bu məntəqələrə də çox sərt tələblər var. Biz artıq 3 dəfə bu tenderləri qazanmışıq və hazırda yanacaqdoldurma məntəqələri tikirik”.

M.Məmmədov bildirib ki, “SOCAR Energy Georgia”nın bu il 2-3 yanacaqdoldurma məntəqəsini açmaqdan başqa ambisiyası və istəyi yoxdur: “Bu gün “SOCAR Energy Georgia” bütün yanacaq növlərinin satışında ideal infrastruktura malikdir. Dizel yanacağı, benzin, sıxılmış maye qaz (LPG), həm də sıxılmış təbii qaz (CNG) satışı üçün bizim infrastrukturumuz ən ideallardan biridir”.

Qeyd edək ki, SOCAR Gürcüstanda biznes fəaliyyətinə 2006-cı ildə başlayıb. Elə həmin ildə də neftin Qərb bazarlarına nəql edilməsi məqsədilə Kulevi Neft Terminalı satın alınıb. “SOCAR Georgia Petroleum” MMC 115 yanacaqdoldurma məntəqəsi, 16 xidmət mərkəzi və 5 neft terminalına malik olduğu Gürcüstan bazarında Azərbaycanın və üçüncü tərəflərin neft məhsullarının topdan və pərakəndə satışını təşkil edir.“SOCAR Georgia Gas” MMC Gürcüstanın regionlarına təbii qaz tədarükü və paylanmasını həyata keçirir və 670 mindən artıq abonentə xidmət göstərməklə yerli qaz şəbəkəsini idarə edir.

TƏK ŞƏXSİYYƏT VƏSİQƏSİLƏ 15 DƏQİQƏYƏ KREDİT!

29.03.2019 14:56