InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR

Avrozona iqtisadiyyatı ilə bağlı fundamental göstəricilərin yaxşı açıqlanması, avronun 1.13$-a kimi bahalaşmasına səbəb olub. Dünya valyuta birjalarında dolların aparıcı valyutalara nisbətən qiymətlərinin də ucuzlaşması, EUR/USD məzənnəsinə dəstək olmaqdadır və 1.14$-a kimi bahalaşacağı proqnozlaşdırılır.

Bununla yanaşı, çərşənbə axşamı Bakı vaxtı ilə saat 14:00-da açıqlanacaq Avrozona iqtisadiyyatına dair gələcək gözləntiləri ölçən indeks və çərşənbə günü saat 22:30-da açıqlanacaq Amerika Mərkəzi Bankının mətbuat konfransı da diqqət mərkəzində saxlanılmalıdır.

GBP

GBP/USD məzənnəsi isə bu həftənin çərşənbə günü Breksit sazişinin üçüncü dəfə İngiltərə parlamentində səsverməyə çıxarılması fonunda 1.33$ ətrafında dalğalanmaqdadır. Təhlillərə əsasən, cari həftə ərzində GBP/USD məzənnəsi 1.33$-ın üzərində möhkəmlənərsə, 1.35$-a kimi də bahalaşa bilər.

TRY

Türkiyə valyuta birjalarında isə dolların qiyməti 5.45TL-ın üzərində ticarət edilməkdədir və 5.46TL-ni də yuxarı istiqamətdə qırarsa, 5.49TL-yə kimi də bahalaşa bilər.

OIL

Avropanın Brent markalı neftinin qiyməti bahalaşaraq, 67$-a ticarət edilməkdədir və 67.35$-ın üzərində möhkəmlənərsə, 68.34$-a kimi də dəyər qazana bilər.

Bu həftənin çərşənbə günü saat 18:30-da yayımlanacaq ABŞ-ın neft ehtiyatları ilə bağlı statistik məlumatların da qiymətə güclü təsir edəcəyi gözlənilir.

GOLD

Əlvan metallar bazarlarında qızıl qiymətləri 1300$-a (41.8 $/qram) ticarət edilməkdədir və təhlillərə əsasən, tələbin daha da artması, bir unsiya üzrə qiymət 1321$-a (42.5 $/qram) kimi dəyər qazana bilər.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” QSC-nin Analitika Departamenti

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi.

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.