Azərbaycanda fəaliyyət göstərən 30 bankdan 16-sı bu il yanvarın 1-nə olan vəziyyətə görə, Mərkəzi Bankdakı vəsaitlərinin ayrıca illik müqayisədə dinamikası barədə məlumat verib ki, bunlardan da 9-da müsbət, 7-də isə mənfi dinamika müşahidə edilib.

Mərkəzi Bankdakı vəsaitlərini azaltmış banklar "Muğan Bank", "Yapı Kredi Bank Azərbaycan", "Atabank", "Azərbaycan Sənaye Bankı", "Nikoyl Bank", "Günay Bank" və "Access Bank"dır. Ən çox azalma "Günay Bank"da (78,4%), ən az azalma isə "Muğan Bank"da (3,5%) qeydə alınıb.

İl ərzində Mərkəzi Bankdakı vəsaitləri artmış 9 bank arasında isə ən yüksək dinamika "AFB Bank"da (3,2 dəfə), ən aşağı dinamika isə Pakistan Milli Bankının Bakı filialında (16,9%) baş verib.

Mərkəzi Bankdakı vəsaitlərinin dinamikasını açıqlamayan banklar "Amrah Bank", "Azərbaycan Beynəlxalq Bankı", "Azər-Türk Bank", "Bank BTB", "Bank of Baku", "Bank Respublika", "Bank VTB Azərbaycan", "Express Bank", İran Milli Bankının Bakı filialı, "NBC Bank", "PAŞA Bank", "Rabitəbank", "Turan Bank" və "Unibank"dır.

4 bankın Mərkəzi Bankdakı vəsaitləri 50 milyon manatdan çoxdur

Azərbaycanda fəaliyyət göstərən 30 bankdan 16-sı bu il yanvarın 1-nə olan vəziyyətə görə, Mərkəzi Bankdakı vəsaitlərinin məbləğini ayrıca açıqlayıb ki, bunlardan da 4-də sözügedən göstərici 50 milyon manatdan çoxdur.

Bunlar "Kapital Bank" (783,966 milyon manat), "AFB Bank" (101,551 milyon manat), "Naxçıvan Bank" (81,019 milyon manat) və "Xalq Bank"dır (50,276 milyon manat).

Qalan 12 bankdan 6-nın Mərkəzi Bankdakı vəsaitləri 10 - 50 milyon manat arasında, 6 bankda isə 1- 10 milyon manat arasındadır.

Mərkəzi Bankdakı vəsaitlərinin məbləğini açıqlamayan banklar "Amrah Bank", "Azərbaycan Beynəlxalq Bankı", "Azər-Türk Bank", "Bank BTB", "Bank of Baku", "Bank Respublika", "Bank VTB Azərbaycan", "Express Bank", İran Milli Bankının Bakı filialı, "NBC Bank", "PAŞA Bank", "Rabitəbank", "Turan Bank" və "Unibank"dır. 

PULSUZ SEMİNARA QATIL, QAZANMAĞI ÖYRƏN!

© "Renkinq"