“PAŞA Bank” ASC-nin Türkiyədəki törəməsi “PAŞA Yatırım Bankası”nın cəmi aktivləri bu il yanvarın 1-nə 1 milyard 349 milyon 565 min lirə (431 milyon 861 min manat) təşkil edib. 

 Bankın maliyyə hesabatına görə, bu, ötən il yanvarın 1-i ilə müqayisədə 50,5% çoxdur.

“PAŞA Yatırım Banka”ının aktivlərinin 840 milyon 278 min lirəsini (268 milyon 889 min manat) müştərilərə verilmiş xalis kreditlər təşkil edib. 2018-ci ildə Bankın kredit portfeli 23,7% böyüyüb.

Hesabat dövründə “PAŞA Yatırım Banka”sının cəmi öhdəlikləri 32,6% artaraq 843 milyon 908  min lirəyə (270 milyon 51 min manat), cəmi kapitalı isə 94% artaraq 505 milyon 657 min lirəyə (193 milyon 810 min manat), o cümlədən nizamnamə kapitalı 96,1% artaraq 500 milyon lirəyə (160 milyon manat) çatıb.

2018-ci ildə “PAŞA Yatırım Banka”sının faiz gəlirləri 124 milyon 370 min lirə (39 milyon 798 min manat), faiz xərcləri 44 milyon 872 min lirə (14 milyon 359 min manat), haqq və komissiya gəlirləri 3 milyon 168 min lirə (1 milyon 14 min manat), inzibati xərcləri 13 milyon 736 min lirə (4 milyon 396 min manat), qiymətli kağızların alqı-satqısından zərəri 1 milyon 9 min lirə (323 min manat), digər gəlirləri 855 min lirə (274 min manat), digər xərcləri 55 milyon 359 min lirə (17 milyon 715 min manat), aktivlər üzrə mümkün zərərlərin ödənilməsi üçün xüsusi ehtiyatların yaradılmasına ayırmaları 17 milyon 713 min lirə (5 milyon 668 min manat), mənfəət vergisi ödəmələri üzrə qənaəti isə 733 min lirə (235 min manat) təşkil edib. Son nəticədə Bank ötən ili 3 milyon 563 min manat zərərlə başa vurub. Halbuki, maliyyə qurumu əvvəlki ildən 16 milyon 8 min lirə (5 milyon 123 min manat) mənfəətlə çıxmışdı.

Xatırladaq ki, "PAŞA Yatırım Bankası" 2015-ci ildə "PAŞA Bank"ın Türkiyənin "Aksoy Holding"inə məxsus "TAİB Bank"ın səhmlərini alması ilə yaradılıb. Bankın səhmlərinin 49%-i “PAŞA Holdinq” MMC-yə, 50,96%-ə “PAŞA Bank”a, 0,04%-i isə “Aksoy Holdinq”ə məxsusdur. Başqsa sözlə, Azərbaycan tərəfi səhmlərin 99,96%-nə nəzarət edir. 

1 lirə = 0,32 manat

PULSUZ SEMİNARA QATIL, QAZANMAĞI ÖYRƏN!

© Report