“Mən deyirəm ki, ödənilə bilməz, amma Fond bunu edir”

“Mən deyirəm ki, ödənilə bilməz, amma Fond bunu edir”

“Mən deyirəm ki, ödənilə bilməz, amma Fond bunu edir”

Bakıda ləğv prosesində olan “Bank Standard” QSC-nin Kreditorlar Komitəsinin növbəti iclası başlayıb.

İclas Bankın ləğvedicisi olan Azərbaycan Əmanətlərin Sığortalanması Fondunun (ADIF) Bakı şəhəri, Xətai rayonu, Babək prospekti, 16 ünvanında, Fondun icraçı direktorunun müavini Vüqar Abdullayevin iştirakı ilə keçirilir.

İclası Komitənin sədri, hüquqşünas Əkrəm Həsənov açıq elan edib. O, ilk növbədə, V.Abdullayevin vergilər nazirinin keçmiş müşaviri Habil Məmmədovu özünə müşavir təyin etməsi barədə danışıb və bu təyinatdan narazı olduğunu ifadə edib: “Məndə olan məlumata görə, hazırda onun işi problemli kreditlərin geri qaytarılmasıdır. Vergilər Nazirliyində işləyəndə o adamın otağının adı "dinmə, ver" olub. Bu adama burada necə vəzifə verilib?”

Daha sonra Əkrəm Həsənov ləğvedicinin bəzi qaydaları pozduğunu deyib: “Mən deyirəm ki, müflis olmuş bankın ləğv edilməsinə görə əmək haqqı ödənilə bilməz, amma Fond bunu edir”.

Daha sonra kreditorlar qarşısında çıxış edən V.Abdullayev H.Məmmədovla bağlı deyilənlərə münasibət bildirməyib, sadəcə, deyib ki, “Bank Standard” qarşısında borc öhdəliyi olanlar indiyə qədər 90 milyon manat ödəniş ediblər. Bundan başqa, 60 milyon manatlıq əmlak Bankın balansına keçirilib.

XXX

Ləğv prosesində olan “Bank Standard” QSC-nin Kreditorlar Komitəsinin növbəti iclası iyunun 11-də keçiriləcək.

Bununla bağlı qərar bugünkü iclasda qəbul edilib.

Bundan başqa, kreditorlar Bankdakı son vəziyyətlə əlaqədar bir daha dövlət başçısına, eləcə də bu günlərdə Sosial Tədqiqatlar Mərkəzinin İdarə Heyətinin sədri təyin edilmiş Zahid Oruca müraciət etməyə qərar veriblər. Bununla da iclas başa çatıb.

PULSUZ SEMİNARA QATIL, QAZANMAĞI ÖYRƏN!

14.02.2019 13:35