“Smart Outdoor” şirkətinin rəhbəri Rahim Davudovun  müsahibəsi

- Rahim bəy, artıq küçə reklamlarının monitorinqi ilə məşğul olan platformanız fəaliyyətə başlamışdır. Rahim bəy, vəziyyət nə yerdədir? Xidmətlərinizdən istifadə edən şirkətlər varmı?

- Sizin vurğuladığınız kimi biz oktyabr ayında kütləvi informasiya vasitələrində bu haqda məlumatı paylaşdıq. Məlumatdan sonra bir çox böyük şirkətlər özləri bizimlə əlaqə saxladı. Mütəmadi görüşlər keçirdik. İlin sonuna 20-dən çox şirkətlə razılıq əldə etdik. Artıq bir çox şirkətlə müqavilələr imzalanıb. Bu ilin sonuna qədər müştəri bazasını kifayət qədər artırmaq planımız var.
 

- İstəsəniz, platforma haqqında məlumatı olmayan izləyicilərimizə “Smart Outdoor”un işləmə mexanizmindən danışaq.

- “Smart Outdoor” sistemi çöl reklamlarının monitorinq xidmətidir. Platformanın köməyilə siz rəqiblərin outdoor reklam strategiyasını analiz edə bilər, vizual olaraq bütün çöl reklamlarını monitorinq edə bilər və öz reklam strategiyanızı planlaya bilərsiniz.

Smart Outdoor platforması ilə siz kateqoriya üzrə brendlərin həm konstruksiya sayı və növünə görə, həm də büdcəsinə görə analiz edə biləcəksiniz. Boş yerlərə, rəqiblərin reklam konstruksiya sayına, büdcəsinə və geniş kateqoriya analizinə əsaslanaraq daha rahat outdoor reklam planlamasını apara biləcəksiniz.

“Smart Outdoor” platformasından istifadə edərək, konkret lokasiyalarda konstruksiya növünü seçə bilər, həmin yerin vizual olaraq monitorinqini apara bilərsiniz.

 

- Platformanın hazırlanması ideyası necə yarandı?

- Sizin sualınıza daha ətraflı cavablandırmaq istərdim. Mən 2005-ci ildən reklam, araşdırmalar, marketinq sahəsində çalışıram. Bizim agentliyə mütəmadi olaraq açıq havada olan konstruksiyalar reklam yerləşdirilməsi barədə müraciətlər olunurdu. Bu sahədə ən böyük çətinlik isə yaxınlıqda rəqiblərin olub olmaması, misal olaraq scroller tipli konstruksiyalarda neçə reklam üzünün mövcud olması, digər üzlərində hansı müştərilərin olması haqqında suallar yaranırdı. Bu səbəbdən belə bir platformaya ciddi ehtiyac duyurduq.

İlk dəfə olaraq 2015, 2016-cı ildə Mobil rabitə sektoru ilə bütün Azərbaycan üzrə küçə reklamlarının monitorinqi layihəsini həyata keçirdik. Daha sonra isə aylıq xidmət göstərməyə başladıq. Görüşlər zamanı layihəni izah edəndə digər şirkətlərin marketinq əməkdaşlarının da xoşuna gəldiyini gördük. Müraciətlərin çoxluğunu nəzərə alaraq, 2017-ci ildən yeni “Smart Outdoor” layihəsini başlamaq qərarına gəldik. Hər bir müştəriyə xüsusi yanaşırıq. Bu səbəbdən müştərilərin istəyinə, əsasən yeni platformalar hazırlaya bilirik.

Nəzərinizə çatdırmaq istərdim ki, Prezident cənab İlham Əliyevin 20 iyun 2017-ci il tarixli Fərmanı ilə Azərbaycan Respublikasının Dövlət Reklam Agentliyi yaradılması bizi daha da həvəsləndirdi.
 

- Əldə etdiyimiz məlumata görə, Bakı Metropoliteni” QSC ilə də metronun daxilində olan reklamların da monitorinqinin aparılması üçün quruma müraciət etmisiniz. Dövlət qurumunun sizin bu təklifinizə reaksiyası necə oldu?

- 2018-ci ilin sonunda “Bakı Metropoliteni”nə müraciət etdik. Həmin dövr üçün platforma təsdiq edilmədi. Növbəti il yenidən müraciət edilməsi bildirildi. Bu sahədə də işlər aparılır. Ayın sonuna yenidən müraciət etməyi planlaşdırmışıq.
 

- Bazarda küçə reklamlarının monitorinqi xidmətini təklif edən yeganə şirkətsiniz. Rəqibləriniz olduğu təqdirdə, xidmət fəaliyyətinin artırılması istiqamətində hansı dəyişikliklərin aparılması nəzərdə tutulub?

- Nəzərinizə çatdırım ki, bir çox sorğu şirkətləti var. Mütəmadi olaraq onlarda küçə reklamları bazarını araşdırır. Biz sadəcə olaraq bu sahəni daha da təkmilləşdirərək aylıq olaraq küçə reklamlarının monitorinqini aparırıq. “Smartoutdoor”-un saytına daxil olaraq reklamların demo versiyası ilə ətraflı tanış ola bilərsiniz.

PULSUZ SEMİNARA QATIL, QAZANMAĞI ÖYRƏN!

® Facemark