Xəbər verdiymiz kimi, Azərbaycan Respublikasının Prezidenti İlham Əliyev yanvarın 22-də Davosda “SAP SE” şirkətinin baş icraçı direktoru Bill Makdermot ilə görüşüb.

Söhbət zamanı Bill Makdermot Azərbaycan ilə əməkdaşlıqdan məmnunluğunu vurğulayıb.

Şirkətin artıq Bakıda ofis açdığını deyən Bill Makdermot Prezident İlham Əliyevin həyata keçirdiyi iqtisadi siyasətin reallaşdırılmasında və rəqəmsal iqtisadiyyatın formalaşmasında “SAP SE” şirkətinin dəstək verməyə hazır olduğunu ifadə edib. Qeyd edib ki, şirkət həm dövlət sektorunda, həm də özəl sektorda rəqəmsal iqtisadiyyatın, ümumiyyətlə, rəqəmsallaşmanın inkişafına töhfə verə bilər.

Bill Makdermot vurğulayıb ki, Azərbaycan iqtisadiyyatındakı mövcud sabitlik və ölkənin maliyyə dayanıqlılığının güclənməsi rəqəmsal iqtisadiyyatın inkişafı üçün geniş zəmin yaradır. Eyni zamanda, rəqəmsal iqtisadiyyat böyük sürətlə iş yerlərinin artmasına imkan verir. Şirkətin baş icraçı direktoru xüsusi vurğulayıb ki, rəqəmsal iqtisadiyyatın inkişafı gender bərabərliyinin təmin olunmasına da töhfə verə bilər.

Prezident İlham Əliyev “SAP SE” şirkəti ilə əməkdaşlıqdan məmnunluğunu bildirib. Dövlət başçısı qeyd edib ki, şirkətin Azərbaycanın müvafiq qurumları ilə əməkdaşlığı ölkəmizdə iqtisadiyyatın inkişafına, şəffaflığın artmasına, yeni iş yerlərinin yaradılmasına töhfə verib. Prezident İlham Əliyev bu istiqamətdə əməkdaşlığın davam etdirilməsinin önəmini vurğulayıb.

“SAP”IN AZƏRBAYCANDAKI “QIZIL” TƏRƏFDAŞI

2015-ci ildən fəaliyyət göstərən Azərbaycanın "BMS Global" şirkəti “SAP SE” şirkətinin tərəfdaşıdır. “BMS Global” Azərbaycanda SAP həlləri və xidmətlərini təklif edir.  "BMS Global" ötən illər ərzində “SAP”ın etimadını doğruldub, nəticədə tərəfdaşlığın statusu “Gümüş” səviyyəsindən “Qızıl” səviyyəsinə qaldırılıb.  

"BMS Global" şirkəti texnologiya üzrə konsultasiya xidmətlərinin təminatçısı kimi ixtisaslaşıb, beynəlxalq şirkətlərin məhsullarının tətbiq edilməsində illərin təcrübəsindən irəli gələn ən effektiv və praktiki həlləri təklif edir. "BMS Global" qısa müddət ərzində müştərilərin cari biznes proseslərini təhlil edir, şirkətlərinin gəlirliliyinin artırılması üçün yardım edən, biznesdəki üstün tərəflərini inkişaf etdirən, yenilik və inkişaf üçün yeni fürsətlər yaradan və rəqabətdə öndə qalmağa kömək edən konsaltinq xidmətləri təklif edir.

"BMS Global" şirkəti bir sıra dövlət müəssisələrində, bank, sənaye və istehsalat, satış və dağıtım sektorunda, səhiyyə, təhsil, nəqliyyat,telekomnikasya, bir sözlə özəl sektorun öndə gedən şirkətlərində uğurlu layihələr həyata keçirmişdir.

“SAP ERP” sistemi, Azərbaycan ERP bazarında 15 ildən artıqdır ki, mövcuddur. Sistem iri, orta və kiçik ölçülü şirkətlərdə qurulmuşdur. SAP ERP sistemi Azərbaycan tələblərinə və uçot standartlarına uyğunlaşdırılmışdır. Azərbaycanda mövcud 10 iri şirkətdən 7-də SAP ERP həlləri uğurla istismar olunur.

Geniş tətbiq edilən ERP sistemi “SAP BusinessOne”dır. “SAP BusinessOne”  - müştərilərin idarə edilməsi, təklif / satış, satınalma, satıcı, istehsalat, bank əməliyyatları, mühasibatlıq və maliyə, anbar, MRP, CRM, satış fürsətləri, insan qaynaqları və xidmət kimi fəaliyyət növləri və modulları özündə cəmləşdirən ERP sistemdir. Siz "SAP BusinessOne"ı müəssəsnizin iş prosesinə uyğunlaşdıra bilərsiniz. Həm də bunu böyük bir İT şöbəsinə və “proqramistə” ehtiyac qalmadan edə bilərsiniz. Bu həll, rəhbərlərin sürətli  qərar qəbul edə bilməsi üçün son dərəcə vacib olan biznes tələbləri bir yerdə tətbiq etməyə (mühasibatlıq əməliyyatları, alış-satış əməliyyatları, istehsalat və s. ilə bağlı) və  şöbələrin işini bir-biri ilə bağlı çalışmağa imkan yaradan bir sistemdir. "SAP BusinessOne" çevikliyi artırmaqla xərclərin və risklərin azaldılmasını təmin edir.

Şirkətə məxsus “BMS Academy” işçilər, biznes tərəfdaşları, təchizatçılar və digərləri üçün müxtəlif treninqlər təklif edir.

Ətraflı: www.bmsgl.com

office@bmsgl.com

+99412 480 10 27