InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR

Beynəlxalq valyuta birjalarında dolların aparıcı valyutalara nisbətən qiymətləri təzyiq altında qalmaqda davam edir. Təhlillərə əsasən, EUR/USD məzənnəsi də 1.14$-a ticarət edilir və bu səviyyənin üzərində qaldıqca, 1.15$-a kimi də bahalaşa biləcəyi proqnozlaşdırılır.

Bununla yanaşı, cümə axşamı Bakı vaxtı ilə saat 14:00-da açıqlanacaq Avrozonanın inflyasiya ilə bağlı önəmli fundamental məlumatları da investorların diqqət mərkəzindədir.

GBP

GBP/USD məzənnəsi də bahalaşmaqdadır. 1.28$-a təklif edilən funt sterlinqin dünya birjalarında qiyməti, bu səviyyənin üzərində qaldıqca, 1.30$-a kimi bahalaşa bilər.

İngiltərə höküməti ilə Avropa Birliyi arasında razılaşdırılan Breksit sazişinin çərşənbə axşamı parlamentdə səs verməyə çıxarılması da böyük maraqla gözlənilir və nəticələr dünya birjalarında böyük dalğalanmaya səbəb olacaqdır.

TRY

Türkiyə maliyyə bazarlarında isə dolların bahalaşması müşahidə edilməkdədir. 5.48TL-yə ticarət edilən USD/TRY məzənnəsi, 5.51TL-ni də yuxarı istiqamətdə qırarsa, 5.63TL-yə kimi də bahalaşa bilər.

Türkiyə Mərkəzi Bankının çərşənbə günü açıqlayacağı faiz qərarı da investorlar tərəfindən böyük maraqla gözlənilir.

OIL

Avropanın Brent markalı neftinin qiyməti 63$-a kimi bahalaşdıqdan sonra korreksiyaya başlayıb. Lakin qiymət yendiən 61$-ı yuxarı istiqamətdə qırarsa, 64$-a kimi dəyər qazana biləcəyi proqnozlaşdırılır.

Bu həftənin çərşənbə günü saat 19:30-da yayımlanacaq ABŞ-ın neft ehtiyatları ilə bağlı statistik məlumatların da qiymətə güclü təsir edəcəyi gözlənilir.

GOLD

Dünyada siyasi və iqtisadi risklərin artması, əlvan metallar bazarlarında qızıla olan tələbin yüksək qalmasına səbəb olur. Belə ki, qızılın bir unsiya üzrə qiyməti 1298$-ı (41.7 $/qram) da yuxarı istiqamətdə qırarsa, 1326$-a (42.6 $/qram) kimi də dəyər qazana bilər.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” QSC-nin Analitika Departamenti

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi.

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.