InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR

Beynəlxalq valyuta birjalarında dolların aparıcı valyutalara nisbətən qiymətləri ucuzlaşmaqda davam edir. Təhlillərə əsasən, EUR/USD məzənnəsi də 1.14$-a ticarət edilir və bu səviyyənin üzərində qaldıqca, 1.15$-a kimi də bahalaşa biləcəyi proqnozlaşdırılır.

Bununla yanaşı, cümə günü Bakı vaxtı ilə saat 17:30-da açıqlanacaq Amerikanın inflyasiya ilə bağlı önəmli fundamental məlumatları da investorlarında diqqət mərkəzindədir.

GBP

GBP/USD məzənnəsi də bahalaşmaqdadır. 1.27$-a təklif edilən funt sterlinqin dünya birjalarında qiyməti 1.28$-ı da yuxarı istiqamətdə qırarsa, bahalaşma burada da 1.29$-a kimi davam edə bilər.

İngiltərə höküməti ilə Avropa Birliyi arasında razılaşdırılan Breksit sazişinin gələn həftə parlamentdə səs verməyə çıxarılması da böyük maraqla gözlənilir.

TRY

Türkiyə maliyyə bazarlarında da dolların ucuzlaşması müşahidə edilməkdədir. 5.33TL-yə ticarət edilən USD/TRY məzənnəsi 5.30TL-ni də aşağı istiqamətdə qırarsa, 5.20TL-yə kimi də ucuzlaşa bilər.

OIL

Avropanın Brent markalı neftinin qiyməti dünya bazarlarında tələbin artması ilə 57$-a kimi bahalaşıb. Qiymət 58$-ı da yuxarı istiqamətdə qırarsa, 62$-a kimi də dəyər qazana bilər.

Bu həftənin çərşənbə günü saat 19:30-da yayımlanacaq ABŞ-ın neft ehtiyatları ilə bağlı statistik məlumatların da qiymətə güclü təsir edəcəyi gözlənilir.

GOLD

Dünyada siyasi və iqtisadi risklərin artması, əlvan metallar bazarlarında qızıla olan tələbin də artmasına səbəb olur. Belə ki, qızılın bir unsiya üzrə qiyməti 1292$-ı (41.5 $/qram) da yuxarı istiqamətdə qırarsa, 1309$-a (42.1 $/qram) kimi də dəyər qazana bilər.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” QSC-nin Analitika Departamenti

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi.

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.