Taxılı biçib, soya əkib - hektardan 1 ton məhsul götürüb

Taxılı biçib, soya əkib - hektardan 1 ton məhsul götürüb

Taxılı biçib, soya əkib - hektardan 1 ton məhsul götürüb

Zaqatala rayonunun təsərrüfatlarında iki ildir ki, soya bitkisi əkilib becərilir. 2018-ci ildə rayonun fermerləri 100 hektar soya sahəsindən 194 ton məhsul tədarük ediblər. Soya istehsalı əvvəlki illə müqayisədə 89 ton artıb. İstehsal edilən məhsulun böyük hissəsi əvvəlki ildə olduğu kimi, yenə də Muxax kənd sakini Abdulla Mahmudovun rəhbərlik etdiyi “Muxax” İstehsal Kooperativinin payına düşüb. Keçən il bu təsərrüfatda 145 ton soya istehsal olunub.

Təsərrüfat rəhbəri bildirib ki, ötənilki mövsümdə əvvəlcə 45 hektarda soya yetişdirib, 95 ton məhsul tədarük edib. Taxıl biçini başa çatdıqdan sonra sınaq üçün 50 hektarda təkrar əkin olaraq yenidən soya əkib və hər hektardan 1 ton məhsul götürməyə müvəffəq olub.

Abdulla Mahmudovun sözlərinə görə, hər il ölkəmizə xaricdən min tonlarla soya bitkisi idxal olur. Dövlətimizin başçısının idxaldan asılılığın azaldılması ilə bağlı verdiyi tapşırıq və tövsiyələri nəzərə alaraq, iki ildir təsərrüfatında sınaq üçün soya bitkisi əkib becərir.

Təsərrüfat rəhbəri deyib ki, soya yüksək rentabelli və qiymətli bitkidir. Heyvandarlığın və quşçuluğun inkişaf etdirilməsində, bu sahələrin yem təminatında, məhsuldarlığın artırılmasında bu bitki mühüm rol oynayır. Soya unu mal-qara üçün çox dəyərli yem hesab olunur. Bundan əlavə, soya dənindən yağ, marqarin, pendir, süd, un, qənnadı məmulatı və başqa məhsullar da alınır. Soyadan alınan yağ sabunbişirmə sənayesi üçün xammaldır. Ondan lak-boyaq sənayesində də istifadə olunur.

Zaqatalalı fermer bu il yenə də 100 hektaradək sahədə soya yetişdirməyi planlaşdırır. Bundan əlavə, ötən ilin payızında təsərrüfatda cari ilin məhsulu üçün 270 hektarda taxıl səpini də aparılıb.

PULSUZ SEMİNARA QATIL, QAZANMAĞI ÖYRƏN!

04.01.2019 14:25

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az