Kinkan yığımına başlanılıb - MƏHSUL AZDIR, BAHALAŞACAĞI GÖZLƏNİLİR

Kinkan yığımına başlanılıb - MƏHSUL AZDIR, BAHALAŞACAĞI GÖZLƏNİLİR

Kinkan yığımına başlanılıb - MƏHSUL AZDIR, BAHALAŞACAĞI GÖZLƏNİLİR

Bir neçə gündür Lənkəran rayonunun sitrus bağlarında kinkan yığımına başlanılıb.

VTB-də minimal faiz dərəcəsi ilə nağd kredit 10.49%-dən

Kinkan meyvəsinin Vətəni Cənub-şərqi Çin və Hind-Çindir. Bu meyvə növü ölkəmizdə yalnız subtropik iqlimə malik cənub bölgəsində yeyişdirilir.

Lənkəran rayonunda sitrusçuluqla məşğul olan fermerlərin və məhsul istehsalçılarının sözlərinə görə, builki yay mövsümünün quraq keçməsi çox su tələb edən kinkanın məhsuldarlığına da təsirsiz ötüşməyib. Ötən illə müqayisədə məhsuldarlıq 50 faiz aşağıdır.

Əsasən yerli bazara çıxarılır. Bir kiloqram kinkanın qiyməti 1,5-2 manatdır. Bayram günlərində qiymətlərin bahalaşacağı gözlənilir.

Orqanizm üçün bir çox faydaları olan kinkanı “yapon apelsini”, “müdriklərin qidası” da adlandırırlar. Şərq təbabətində bu meyvədən hələ qədim zamanlardan istifadə olunub. Diametri 2-3, uzunluğu isə 2,5-4 santimetrdir. Bir meyvənin kütləsi 12-15 qram olur. Qabığı nazik, narıncı və ya qırmızı-narıncıdır. Ətirli, şirin və xoşagələn dadı var. Dadına görə portağalı xatırladır.

Tərkibi A, C, E, B vitaminləri, həmçinin kalium, kalsium, fosfor, sink, maqnezium, mis və dəmirlə zəngindir. Sinir sisteminə, fiziki və zehni fəaliyyətə müsbət təsir göstərir. Kinkan meyvəsindən müntəzəm istifadə etməklə xolesterinin miqdarını aşağı salmaq olar. Həmçinin orqanizmin immun sistemini gücləndirir, bədənin xəstəliklərə qarşı müqavimətini artırır. Yüksək qan təzyiqindən şikayətlənənlər üçün təbii dərmandır. Kalsiumla zəngin olduğundan sümüklər üçün də olduqca faydalıdır.

Mütəxəssislər kinkanı qabıqla birgə gün ərzində 5-6 ədəddən artıq yeməməyi məsləhət görürlər.

Rayonda kinkan yığımı yaz aylarınadək davam edəcək.

PULSUZ SEMİNARA QATIL, QAZANMAĞI ÖYRƏN!

25.12.2018 15:41

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az