"Aksiz vergiləri bizi pis “vuracaq”" - İŞÇİ İXTİSARI GÖZLƏNİR

Azərbaycanın yeganə enerji içkisi istehsalçısı olan "Bizon Enerji» vergi dəyişiklikləri səbəbindən artıq gələn ildən istehsalı azaltmağa hazırlaşır. Bu barədə “Bizon Enerji” layihəsinin rəhbəri Ceyhun Hüseynov bildirib.
Xatırlalaq ki, Vergi Məcəlləsinə edilən və 2019-cu ildən qüvvəyə minəcək dəyişikliklərə əsasən, Azərbaycanda enerji içkilərinə aksiz vergiləri tətbiq ediləcək. Yeniliyə görə, alkoqollu energetik içkilərin hər litrinə 2 manat, alkoqolsuz energetik içkilərin isə hər litrinə 3 manat aksiz tətbiq ediləcək.
Yeni qərar “Bizon Enerji” təmsilçilərini təəssüfləndirib. C.Hüseynov bildirir ki, energetik içkilərə aksiz vergisinin tətbiqi onların zərərli olması ilə əlaqələndirilib, halbuki enerji içkiləri göstərilən kimi zərərli deyil: “Bu içkinin zərərli olduğu iddiası ilə məsələ aktuallaşdırıldı. Dedilər, bu içki zərərlidir və buna əsas olaraq onun tərkibində kofeinin miqdarının çox olması göstərildi. Halbuki, biz gündəlik həyatımızda da tərkibində kofein olan məhsullar istifadə edirik və bunların sayı həddən artıq çoxdur. Məsələn, çay, kofe, şokolad və sair. İnsanın gündəlik kofein dozası 400 milliqramdır və biz bu dozanın aşılmaması üçün hətta bankanın üzərində də yazırıq ki, gün ərzində bir banka istehlak edilsin. Buna baxmayaraq məsələnin yalnız energetik içki üzərinə yönəlməsi bizi təəssüfləndirdi”.
C.Hüseynov bildirir ki, qida mütəxəsisləri də energetik içkilərin zərərli olması ilə bağlı ortaya dəqiq arqument qoymayıblar: “Mən sizə deyim, bu qərar qəbul ediləndə hər hansı dövlət qida mütəxəssisi və ya Qida Təhlükəsizliyi Agentliyi ağılabatan arqumentlə çıxış eləmədilər. Yəni bunun səbəbi dəqiq açıqlanmadı və əsaslandırılmadı. Amma artıq qərar qəbul olunub və bunu dəyişmək mümkün deyil”.
“Bizon Enerji” nümayəndəsinin sözlərinə görə, bu qərar – enerji içkilərinə aksiz vergisinin tətbiq edilməsi satışlara ciddi şəkildə təsir edib onları azaldacaq: “Biz satışların 2-3 dəfə azalacağını gözəyirik, çünki vergi tətbiqi nəticəsində energi içkilərin qiymətləri də azı o qədər – aksiz qədər artacaq”.
Hazırda “Bizon enerji” iki bankada satılır – 250 və 500 qramlıq. 250 qramlığının qiyməti 70 qəpik, yarım litrliyinin qiyməti 1 manatdır. Yeni vergidən sonra isə 250 qramlığın üzərinə 75 qəpik, yarım litrliyin üzərinə isə 1,5 manat əlavə olunacaq: “Yəni biz məcbur olub enerji içkilərini indiki qiyməilərdən ikiqat baha atmalı olacağıq. Bu da satışların həcminə ciddi təsir edəcək. Qiymətin iki dəfə artması, satışların da azı 2 dəfə azalmasına səbəb olacaq. Ola bilər bundan da çox azalsın”-deyə C.Hüseynov bildirir.
Bu məsələdə şirkəti təəssüfləndirən digər məqam odur ki idxal edilən və yerli istehsal olunan energetik içkilər arasında heç bir fərq qoyulmayıb. Qeyd edək ki, aksiz vergisi eyni həddə xaricdən gətirilən energetik içkilərə də tətbiq ediləcək: “Heç olması yerli istehsalı dəstəkləmək üçün bunu edə bilərdilər. Məsələn, spirtli içkilərin idxal və yerli istehsalı üçün vergilər fərqlidir. Amma bu da edilmədi, eyni yanaşıldı. Biz bundan da təəssüflənirik”.
C.Hüseynov bildirir ki, qiymətlərin artması, satışların azalması müəssisənin istehsalı azaltmasına və müəyyən ixtisarlara səbəb olacaq: “Təbii ki, satış alzaldıqda istehsal da azalacaq və nəticədə burada istifadə olunan işçi və satış heyətinin də azalmasına, müəyyən ixtisarlara səbəb olacaq”.
Qeyd edək ki, hazırda Azərbaycanın energetik içkilər bazarının 3-də biri yerli istehsalın – “Bizon”un payına düşür. Qalan hissə isə idxal malları ilə təmin edilir. Şirkət nümayəndəsi bildirir ki, vergi dəyişiklikləri xaricdən gətirilən energetik içkiləri də eyni dərəcədə “vuracaq” və ümumi bazar 2-3 dəfə kiçiləcək.
Qeyd edək ki, indiyədək “Bizon enerji” şirkəti yalnız yerli bazara yönəlik işləyib. Əsas hədəf yerli bazar olub deyə ixrac barədə planlaşma aparılmayıb: “Məqsəd o olub ki, ilk növbədə yerli bazar tutulsun. Amma bu dəfəki dəyişikliklər, vergilərin artması, xarici bazar haqqında düşünməyə vadar edə bilər”.
PULSUZ SEMİNARA QATIL, QAZANMAĞI ÖYRƏN!
© FED
Müştərilərin xəbərləri

“ArchiCO Engineering Company” və Avstriyanın “Doppelmayr Seilbahnen G.m.b.H” şirkəti arasında müqavilə imzalandı
SON XƏBƏRLƏR
-
21 saat sonra
Yeni açılacaq supermarketə 6 vəzifə üzrə işçilər tələb olunur
-
4 d. əvvəl
Mərkəzi Bank 1-ci rübdə ölkəyə və ölkədən pul köçürmələrinin məbləğini açıqlayıb
-
5 d. əvvəl
Azərbaycan neftinin və təbii qazının rüblük orta ixrac qiymətləri açıqlanıb
-
📲 İndi
Marja.az-ın WhatsApp kanalına qoşulun və xəbərlər cibinizə gəlsin.
♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az - 18 d. əvvəl
- 26 d. əvvəl
-
33 d. əvvəl
"Göyçay Şərab"ın gəliri və mənfəəti artıb - 16,5 MİLYON MANAT GƏLİR, 2 MİLYONA YAXIN MƏNFƏƏT
- 41 d. əvvəl
-
59 d. əvvəl
“ASAN xidmət”in İnnovasiyalar Mərkəzi İT sistemlərini “Hökumət buludu”na köçürüb
- 1 saat əvvəl
- 2 saat əvvəl
- 2 saat əvvəl
- 2 saat əvvəl
Son Xəbərlər

Yeni açılacaq supermarketə 6 vəzifə üzrə işçilər tələb olunur

bp Azərbaycan üzrə yeni prezident təyin etdi

"Göyçay Şərab"ın gəliri və mənfəəti artıb - 16,5 MİLYON MANAT GƏLİR, 2 MİLYONA YAXIN MƏNFƏƏT

“ArchiCO Engineering Company” və Avstriyanın “Doppelmayr Seilbahnen G.m.b.H” şirkəti arasında müqavilə imzalandı
Ən çox oxunanlar

Vergidən azad depozit – illik 12% gəlir!

Azərbaycan neftinin son qiyməti

Rəsmi məzənnələr açıqlandı

FED 4-cü iclasında faizini sabit saxlayıb

“Bakcell” 4-cü “YAŞAT” düşərgəsinin tərəfdaşıdır

Azərbaycan 5 ayda xaricdən 43 min ədədə yaxın avtomobil alıb - 790 MİLYON DOLLAR XARİCƏ ÇIXIB
.jpg)
300-ə yaxın yerli şirkətin məhsul və xidmətlərinin sərgisi keçirilir
