“Start and Up” mövzusunda forum keçirilib

Azərbaycan Respublikası Təhsil Nazirliyinin SABAH qrupları və “Youth Inc.” Gənclərin Sahibkarlıq Proqramının birgə təşkilatçılığı ilə fevralın 17-də Bakıda ilk dəfə “Start and Up” mövzusunda forum keçirilib.
Tədbirdə Dünyanın texnologiya mərkəzi kimi tanınan Silikon Vadisindən mütəxəssislər Brock Hinzman və Eileen McGinnis “Texnoloji Startaplar” mövzusunda öz təcrübələri ilə bölüşüblər.
Azərbaycan Dövlət İqtisad Universitetində keçirilən forumun iştirakçıları öncə startapların fəaliyyətindən ibarət sərgi ilə tanış olublar. Sərgidə “Youth Inc.” Biznes İnkubasiya Mərkəzinin dəstək olduğu “Logical Ad Inc.” və “JetMarket” startapları da iştirak edib.
Foruma ev sahibliyi edən ADİU-nun SABAH qrupları üzrə dekan müavini Aqil Əzizov açılış nitqi edərək, forumun aktuallığından danışıb. Tədbirdə “Youth Inc.” Gənclərin Sahibkarlıq Proqramının rəhbəri Ələkbər Mustafayev forumun əsas məqsədindən söz açmışdır. Ə.Mustafayev forumun, gənc sahibkarlara mütəxəssislərin tövsiyə və fikirlərini çatdırmaq, gənc sahibkarlar ilə investorlar arasında əlaqələr yaratmaq və onların inkişafını təmin etmək məqsədi daşıdığını vurğulamışdır.
“Start and Up” forumun panel mərhələsinə “MilliKart” şirkətinin biznes inkişafı üzrə meneceri İlkin Haqverdiyev və “CDB” Bankın marketinq meneceri Sənan Həsənov ABŞ-ın Silikon Vadisindən olan mütəxəssislərlə birgə “Biznesinə Sıfırdan Başla” mövzusunda keçirilən paneldə iştirak edib. Spikerlər çıxışlarında startapların inkişafı, dövlətin və özəl sektorun gənc sahibkarlara dəstəyi, ölkəmizdə biznes inkubasiya mərkəzlərinin fəaliyyəti və s. məsələlərə toxunublar. Xatırladaq ki, panel orta və kiçik sahibkarlığın biznesə sıfırdan başlaması istiqamətlərini müəyyən etmək məqsədilə keçirilib.
Panel müzakirələrindən sonra qonaqlar mövzu üzrə gənclərin startap təqdimatlarını izləyiblər. Təqdimatların keçirilməsində məqsəd, gənc sahibkarları xarici investorlarla əlaqələndirmək və Azərbaycanda bu sahənin inkişafı üçün yeni imkanlar yaratmaq olub. SABAH qruplarının “TechSOS” komandası da təqdimatla çıxış edib. “TechSOS” komandası “Microsoft Imagine Cup 2016” müsabiqəsinin milli finalının və İnformasiya Texnologiyalarının İnkişafı Dövlət Fondunun elan etdiyi qrant müsabiqəsinin qalibidir. Komanda həmçinin “TechSOS” layihəsi ilə ölkəmizdə İT sahəsində çalışan ən qabaqcıl qadınlara təqdim olunan “AWITA 2017” – “The Women in IT Award” mükafatlarının “İLİN STARTAPI” nominasiyasına layiq görülüb. O cümlədən, SABAH qruplarının tələbələrindən ibarət “AĞART” komandası “Little Hero”, “Beta Team” komandası “Timoo”, “Nulls” komandası “Wake me up”, “Dream Team” komandası “ZoomX” və “Force” komandası “LL” məhsulunun təqdimatları ilə çıxış etdilər.
Həmçinin “Youth Inc.” Biznes İnkubasiya Mərkəzinin fəal rezidentlərindən biri olan “JetMarket” şirkəti də təqdimatda iştirak edib. Jetmarket rəqabətli qiymətlərə malik geniş məhsul çeşidi, pulsuz və 1 saata çatdırılma seçimi, misilsiz müştəri məmnuniyyəti təqdim edən dinamik və gənc şirkətdir.
Forumun tərəfdaşları Azərbaycan Dövlət İqtisad Universiteti və Azərbaycan Futuroloqlar Cəmiyyətidir.
2006-cı ildə fəaliyyətə başlamış Azərbaycan Futuroloqlar Cəmiyyəti Azərbaycanda ilk bu tipli tədqiqat mərkəzi olaraq, öz qarşısında müasir meylləri öyrənmək və gələcək istiqamətləri müəyyən etmək məqsədini qoyur. AFC beynəlxalq futuroloziya modellərindən istifadə edərək, Azərbaycanda və bütün Qafqaz regionunda inkişaf meyllərini təşkil edən peşəkar ekspertlər və analitiklər qrupundan ibarətdir.
Xatırladaq ki, Azərbaycan Respublikası Təhsil Nazirliyinin SABAH qrupları Ali təhsildə keyfiyyətin yüksəldilməsi, müasir tələblərə uyğun kadrların hazırlanması və təhsil sistemində yeni mühitin yaradılması məqsədilə formalaşmış qruplardır. Hazırda SABAH qrupları 11 ali təhsil müəssisəsində fəaliyyət göstərməklə 45 ixtisas və 2300-dən artıq tələbəni əhatə edir.
Qeyd edək ki, ABŞ-ın Silikon Vadisi inkişafda olan tendensiyalar və qabaqcıl texnologiya sahəsində biznes-təhsil proqramları və texnoloji innovasiya mövzularında qlobal konfranslar təşkil edir. Dünyanın texnologiya mərkəzi kimi tanınan Silikon Vadisi nəhəng texnologiya korporasiyaları ilə yanaşı, yüzlərlə startap şirkətlərə də ev sahibliyi edir.
“Youth Inc.” Gənclərin Sahibkarlıq Proqramı 2013-cü ildə “Coca-Cola” şirkətinin, Gənclər və İdman Nazirliyinin və DVC təşkilatının tərəfdaşlığı ilə rəsmi fəaliyyətə başlamış və 2015-ci ildə “Youth Inc.” Biznes İnkubator Mərkəzi yaradılmışdır. "Youth Inc."in aktiv fəaliyyət göstərdiyi illər ərzində Proqram məzunları xeyli sayda biznes-layihələr həyata keçirib, bir sıra startap dəstəklənib və 7 minə yaxın gənc müxtəlif seminarlarda iştirak edib. Proqram “JEUNE” və “INBIA” təşkilatlarının üzvüdür.
Müştərilərin xəbərləri
SON XƏBƏRLƏR
- 2 ay sonra
- 3 gün sonra
-
3 gün sonra
İnvestorlara illik 13% sabit gəlir təklifi - AFB Bank-da sərfəli fürsət
-
-
9 d. əvvəl
PashaPay “Bakı Fintex Forumu 2025”də platinum sponsor qismində iştirak edib
-
23 d. əvvəl
"Rusiya-Azərbaycan münasibətlərində böhran yaşandığını söyləmək olmaz, bu, emosiyaların böhranı idi"
-
1 saat əvvəl
BOKT "İdeal Kredit"ə illik 14 faizlə 1 milyon manat borca pul lazımdır - ƏTRAFLI ŞƏRTLƏR
-
1 saat əvvəl
Bakı Fond Birjasından "AFB BANK" istiqrazları barədə qərar - ŞƏRTLƏR
- 1 saat əvvəl
- 1 saat əvvəl
-
2 saat əvvəl
"FINCA Azerbaijan" 56 investordan 15 faizlə 3 milyon manat borc aldı
-
2 saat əvvəl
TuranBank ASC müştərilərinə “Açıq bankçılıq” funksionallığını təqdim edib
- 2 saat əvvəl
Son Xəbərlər

Ödənişsiz İnvestisiya Seminarı

Bakı Fond Birjasından "AFB BANK" istiqrazları barədə qərar - ŞƏRTLƏR

Azərbaycan və Qazaxıstan arasında qolf körpüsü quruldu

"FINCA Azerbaijan" 56 investordan 15 faizlə 3 milyon manat borc aldı
Ən çox oxunanlar

Azərbaycanda orta maaş rəqəmi 10 faizə yaxın artıb

"Bank Melli İran" Bakı filialının xalis mənfəəti 13%-ə yaxın azalıb

Sərfəli ilkin ödənişlə mənzil axtarırsınız? - Təmirli mənzillər cəmi 18 165 manat ilkin ödənişlə

Porsche-nin Çində satışları kəskin azalıb - Qlobal satış son 3 ilin ən aşağı səviyyəsindədir

“PAŞA Bank”dan "mPOS" ilə ödəniş qəbulunda 0% komissiya!
