Hyundai-in son texnologiya işığı altında istehsal etdiyi 3 fərqli mühərrikdə olan elektrik, “hybrid” və “plug-in hybrid” modeli IONIQ, AVRO NCAP toqquşma testlərindən beş ulduz alaraq təhlükəsizlik baxımından çox əhəmiyyətli bir nailiyyət əldə edib.

Hyundai IONIQ, yüksək səviyyəli təhlükəsizlik avadanlıqlarını özündə standart olaraq təqdim edir.

Hyundai IONIQ, markaların qorxulu yuxusu halına gələn Avro NCAP testlərindən maksimum dəyər olan beş ulduzu alıb və böyük uğura imza atıb. Hyundai-ın tamamilə yeni bir modeli olan IONIQ, testlər əsnasında uğurlu nəticələr əldə edərkən böyüklər, uşaq sərnişin, piyada və təhlükəsizlik sistemləri kimi dörd kateqoriyada da ən üst sıralarda yer alıb.

Hyundai Motor Avropa-nın sədr müavini Tomas Schmid bu haqda belə danışıb: "IONIQ üçün Avro NCAP-dən gələn beş ulduz dərəcələri, Hyundai-ın texnologiyasının hansı səviyyədə olduğunu vurğulayır. Seqmentindəki ən təhlükəsiz avtomobillərdən biri halına gələn və müştərilərinə etibarlı əlçatan bir variant təqdim edən Hyundai IONIQ, bütün versiyalarında son texnologiya məhsullarını, aktiv təhlükəsizlik xüsusiyyətlərini standart olaraq təqdim edir".

Radarlar və kamera sensorları, sürücünu səsli və vizual olaraq xəbərdarlıq edən və lazım olduğu hallarda da avtomatik olaraq dövrəyə girən Avtonom Əyləcləmə Sistemi (AEB), Hərəkət Zolağının Tərk Edilməsi ilə Bağlı Xəbərdarlıq (LDW), Aktiv Zolaq Təqib Assistenti (LKA) və Ağıllı Sürət Nəzarət Sistemi (SCCS) yeni avtomobilin standart avadanlıqlarından bəziləridir.

Avro NCAP tərəfindən test edilən bütün bu texnologiyalar ilə yanaşı IONIQ, “Ölü zonanın” xəbərdarlıq siztemi və Arxa Çarpaz Hərəkət Xəbərdarlığı sistemlərini də özündə cəm edir.

Bu sistemlər, hərəkət halında fərq edilməyən və toqquşmaya səbəb ola biləcək ətrafdakı digər vasitə, sərnişin və ya obyektləri sürücüyə xəbər verir. Əlavə olaraq bildirmək lazımıdr ki, IONIQ modelinin 53 faizi möhkəm və davamlı poladlan istehsal edilib.

Hyundai-ın Azərbaycanda rəsmi distribyutoru “Avto Azərbaycan” şirkətindən “Marja”ya bildirildi ki, Hyundai IONIQ-in 2017-ci ildə Azərbaycana da gətirilməsi planlaşdırılır.