Azərbaycanın aparıcı kommersiya bankı olan PAŞA Bank bu il Avstraliyanın Sidney şəhərində maliyyə sektoru üçün təşkil edilmiş sayca 40-cı SIBOS konfrans və sərgi tədbirində iştirak edir.

Banklar üçün ən böyük illik yığıncaq sayılan bu tədbirə dünyanın aparıcı maliyyə təsisatlarını, məsləhət və konsultasiya şirkətlərini, maliyyə sektoru üçün proqram təminatı və tətbiqi proqram tərtibatçılarını təmsil edən  minlərlə nümayəndəni bir araya gətirir. Əvvəlki illərdə olduğu kimi PAŞA Bank konfransın işi ilə yanaşı bank texnologiyaların ixtisaslaşmış sərgisində eksponent qismində iştirak edir.

SIBOS konfransı çərçivəsində maliyyə sektoru üçün hazırki gündəmin ən vacib məsələləri müzakirə edilir. Bazar iştirakçılarının rəqəmsal mühitdə fəaliyyətə davam etməsinə hazırlığı ilə bağlı məsələlərin müzakirə ediləcəyi builki konfrans “Rəqəmsal iqtisadiyyata təkan” mövzusunda keçirilir.

İxtisaslaşmış sessiyalarda ekspertlərə müasir şəraitdə və gələcək inkişaf imkanları, maliyyə sektorunda texnoloji təmayüllər, kibertəhlükəsizlik standartları və müvafiq risklərin minimuma endirilməsi, blokçeyn texnologiyalarının vüsətalma perspektivi, həmçinin maliyyə sektorunun inkişafına müxtəlif bucaqlardan təsir edən digər məsələlər nöqteyi-nəzərindən bankların yeni rolu müstəvisində fikir mübadiləsi aparmaq imkanı veriləcək.

PAŞA Bankın Baş İcraçı Direktoru və İdarə Heyətinin sədri Taleh Kazımovun dediklərinə görə, SIBOS, işgüzar əlaqələrin yaradılması və mövcud əməkdaşlıq üfüqlərinin genişləndirilməsi ilə yanaşı aparıcı maliyyə təsisatları tərəfindən bütövlükdə ümumdünya maliyyə sektorunun inkişafına dair başlıca təmayüllərin əsası qoyulan mühüm bir məkandır.

“2018-2020-ci illəri əhatə edən strateji dövr PAŞA Bank üçün ilk olaraq işgüzar modelin transformasiyası, həmçinin rəqəmsal vasitə və alətlərin və adaptiv yanaşmaların fəal tətbiqinə keçid mərhələsidir. Bu səbəbdən, belə bir mötəbər və irimiqyaslı tədbirdə iştirakımız Azərbaycanın aparıcı korporativ bankı olaraq bizə fəaliyyət göstərdiyimiz sahədə mövcud olan üstün dünya təcrübəsi ilə tanış olmaq imkanını yaradır. Qabaqcıl beynəlxalq maliyyə təsisatlarının təcrübəsini əldə etməklə Azərbaycanın bank sektorunda rəqəmsal həllərin tətbiqi baxımından hakim mövqeyimizin daha da möhkəmlənməsinə əminəm” – deyə T. Kazımov bildirmişdir.

PAŞA Bank son doqquz il ərzində ardıcıl olaraq SIBOS konfrans və sərgi tədbirində fəal iştirak edir. Ümumdünya Banklararası Maliyyə Telekommunikasiya Cəmiyyətinin (SWIFT) təşkilatçısı olduğu bu tədbir gələn il Londonda keçiriləcək.