“InvestAZ”-dan dünya maliyyə bazarları ilə bağlı həftəlik analiz

InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.
EUR
Beynəlxalq valyuta birjalarında EUR/USD məzənnəsi cümə günü 1.15$-a kimi bahalaşsa da, yenidən ucuzlaşıb. Ümumilikdə qiymət 1.16$-ın altında qaldıqca, 1.14$-a kimi ucuzlaşa biləcəyi proqnozları güclü olaraq qalır.
Avropa Birliyində (AB) İtaliyanın yeni büdcə siyasəti özü ilə bərabər siyasi və iqtisadi riskləri də artırır. Müzakirələr fonunda yaranmış iqtisadi qeyri-müəyyənlik investisiyaları azaltmaqla, avroya olan tələbin də aşağı olmasına səbəb olur.
Bununla yanaşı, cümə axşamı Bakı vaxtı ilə saat 15:45-də açıqlanacaq Avropa Mərkəzi Bankının faiz qərarı və saat 16:30-da baş tutacaq bankın mətbuat konfransı da investorların diqqət mərkəzindədir.
GBP
GBP/USD məzənnəsi də 1.31$-a kimi bahalaşsa da, yenidən ucuzlaşaraq, sözügedən səviyyənin altında ticarət edilir. Beləliklə, məzənnə 1.31$-ın altında qalarsa, 1.29$-a kimi də ucuzlaşa bilər.
İngiltərənin AB-dən ayrılması prosesinin razılaşmasız davam etdiriləcəyi ehtimallarının güclənməsi, ölkədə siyasi və iqtisadi riskləri artırmaqla yanaşı,yuxarıdakı proqnozları daha da gücləndirir.
TRY
Türkiyə maliyyə bazarlarında USD/TRY məzənnəsi 5.64TL ətrafında dalğalanmaqdadır. Artıq son iki aydır 22%-dən çox ucuzlaşan Dollar/Lirə məzənnəsi 5.52TL-ni də aşağı istiqamətdə qırarsa, 5.43TL-yə kimi də ucuzlaşa bilər.
Eyni zamanda, cümə axşamı saat 15:00-da yayımlanacaq Türkiyə Mərkəzi Bankının faiz qərarının da böyük rol oynayacağı gözlənilir.
OIL
Avropanın Brent markalı neftinin bir barel qiyməti isə keçən həftə ərzində 79$-a kimi ucuzlaşsa da “OPEC+” ölkələrinin bəyanatının təsiri ilə dəstək aldığı qiymətlərin üzərində ticarət edilməsi, yenidən bahalaşa biləcəyi proqnozlarını da aktual saxlayır.
Təhlillərə əsasən, qiymət 81$-ı yuxarı istiqamətdə qırarsa, 83$-a kimi dəyər qazana bilər.
Bu həftənin çərşənbə günü saat 18:30-da yayımlanacaq ABŞ-ın neft ehtiyatları ilə bağlı statistik məlumatların da qiymətə güclü təsir edəcəyi gözlənilir.
GOLD
Əlvan metallar bazarlarında qızılın qiyməti sürətli artım dalğasından sonra bir həftdədir 1230 - 1220$ (39.6 - 39.2 $/qram) aralığında dalğalanmaqdadır. Qiymət yenidən 1233$-ı (39.7 $/qram) yuxarı istiqamətdə qırarsa, impulsiv dalğa bir həftəlik fasilədən sonra 1245$-a (40.0 $/qram) kimi davam edə bilər.
İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.
“İnvest-AZ İnvestisiya Şirkəti” QSC-nin Analitika Departamenti
“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.
Risk bildirişi.
Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.
Marja.az-ın WhatsApp kanalına qoşulun və xəbərlər cibinizə gəlsin.
♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az
Müştərilərin xəbərləri

Li Auto - nun qlobal rəhbərliyindən sərt qərar – Rəsmi olmayan avtomobillər tamamilə bloklanacaq, bütün funksiyalar dayandırılacaq!
SON XƏBƏRLƏR
- 3 həftə sonra
- 25 d. sonra
- 14 d. əvvəl
-
- 20 d. əvvəl
- 1 saat əvvəl
- 2 saat əvvəl
-
2 saat əvvəl
"4 yaşayış kompleksinin inşası nəzərdə tutulur və bu binalarda 10 mindən çox insan yaşayacaq"
-
2 saat əvvəl
Kəlbəcər şəhərinin sakinlərinə mənzillərin açarları təqdim edilib
- 3 saat əvvəl
- 3 saat əvvəl
- 3 saat əvvəl
- 3 saat əvvəl
Son Xəbərlər

Ən ucuz uçuş və otel təklifləri bir platformada

Paşinyan Azərbaycanla torpaq mübadiləsini istisna etmir

Laçın şəhərində kanat yolu gələn il hazır olacaq

"Naxçıvanda dəmir yolunu tam müasirləşdirəcəyik"

"4 yaşayış kompleksinin inşası nəzərdə tutulur və bu binalarda 10 mindən çox insan yaşayacaq"

Bakıda 3-cü "Melamor" açılacaq

“Azərbaycan Dəmir Yolları” 300 yeni vaqon alıb
Ən çox oxunanlar

"ABV"nin ilk region filialı istfadəyə verilib

Kolbasa və sosiska məhsullarının istehsalçısı “HALAL” uyğunluq sertifikatı əldə edib

Güclü külək əsəcək, leysan yağacaq - ƏHALİYƏ MÜRACİƏT

“SİMA KYC” (Müştərini tanı) “Leobank”da

Qlobal bazarlarda son vəziyyət - GÜNƏ BAXIŞ
