Dövlət Aqrar Ticarət Şirkəti “Aqroeksport”la əməkdaşlıq memorandumu imzalayıb

Dövlət Aqrar Ticarət Şirkəti “Aqroeksport”la əməkdaşlıq memorandumu imzalayıb

Dövlət Aqrar Ticarət Şirkəti “Aqroeksport”la əməkdaşlıq memorandumu imzalayıb

Bakıda Heydər Əliyev Mərkəzində keçirilən IX Azərbaycan-Rusiya Regionlararası Forumu çərçivəsində Azərbaycan Respublikası Kənd Təsərrüfatı Nazirliyinin tabeliyində olan Dövlət Aqrar Ticarət Şirkəti (DATŞ) ilə Rusiya Federasiyası Kənd Təsərrüfatı Nazirliyi nəzdindəki “Aqroeksport” şirkəti arasında gələcək əməkdaşlıqla bağlı memorandum imzalanıb.

VTB-də minimal faiz dərəcəsi ilə nağd kredit 9.9%-dən

Bu barədə Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsindən məlumat verilib.

Dövlət Aqrar Ticarət Şirkətinin direktoru Leyla Məmmədova imzalanmış memorandumu üç aydır fəaliyyət göstərən şirkətin ilk beynəlxalq uğuru kimi qiymətləndirərək deyib: “Dövlət Aqrar Ticarət Şirkəti ilə Rusiya Federasiyasının analoji şirkətləri arasında əməkdaşlıq iki ölkə arasındakı münasibətlərdə yeni bir mərhələ olacaq. Həm ölkələrimiz arasında ticarət dövriyyəsinin artmasına öz müsbət təsirini göstərəcək, həm də qarşılıqlı əməkdaşlığın faydalarını hər iki tərəf hiss edəcək. Biz, Dövlət Aqrar Ticarət Şirkəti olaraq Rusiyanın ixtisaslaşmış mərkəzləri ilə bu istiqamətdə fəaliyyətimizi daha sıx əlaqələndirəcəyik. Rusiyanın aqrar sahədə fəaliyyət göstərən zəngin təcrübəyə malik şirkətlərinin təcrübəsindən yararlanmaq xüsusilə kiçik və orta fermer təsərrüfatı sahiblərinə faydalı olacaq”.

Rusiya şirkətləri ilə əməkdaşlığın daha bir istiqamətinin təcrübə və bilik mübadiləsinin aparılması olduğunu deyən DATŞ rəhbəri iki ölkə arasında münasibətlərin inkişafında aqrar sahənin payının gələcəkdə daha da artacağını, eyni zamanda, fyuçers kontraktlar (müqaviləyə əsaslanan istehsal) vasitəsilə Azərbaycanın keyfiyyətli və təbii kənd təsərrüfatı məhsullarının etibarlı tərəfdaş kimi Dövlət Aqrar Ticarət Şirkəti vasitəsilə Rusiya bazarlarına çıxarılacağını bildirib.

28.09.2018 05:44