ÖDƏNİŞSİZ FOREX SEMİNARINA QATILIN!

- Səhər saat 09:20-də Mərkəzi Bank Fevralın 14-nə USD/AZN rəsmi məzənnəsini 1,7301 manat səviyyəsində açıqladı.

- Saat 10:00-dan başlayaraq banklarda Dolların alış və satış qiymətlərinin artdığı müşahidə olundu. Qeyd edək ki,  banklarda Dolların qiyməti  ötən həftənin cümə günü və bu həftənin bazar ertəsi də qalxmışdı. (Banklarda Dolların alış və satış qiymətləri ilə buradan tanış olun)

 - Saat 12:00-da Mərkəzi Bankda Dövlət Neft Fondunun da iştirakı ilə hərrac keçirildi. Hərracda manatın orta çəkili məzənnəsi 1,7296 manat səviyyəsində formalaşdı. Başqa sözlə, hərracda Manat Dollar qarşısında cüzi - 0,03% möhkəmləndi.

- Hərracdan sonra da banklarda Dolların alış və satış məzənnələri qalxmaqda davam etdi. Maraqlısı bu idi ki, hərracda Dollar ucuzlaşsa da, banklarda Dollar qalxırdı. Adətən həracda Dollar ucuzlaşanda, banklarda məzənnə aşağı düşürdü. Bu dəfə tərsinə oldu.

- Axşam saat 17:05-də Mərkəzi Bank 15.02.2017-cı il tarixinə USD/AZN rəsmi məzənnəsinin 1,7296 səviyyəsində müəyyən olunduğunu açıqladı 

-Günortadan sona bu da məlum oldu ki, Dövlət Neft Fondu bu gün Mərkəzi Bankında keçirilən valyuta hərracına 35 milyon dollar məbləğində vəsait çıxarıb. Hərrac iştirakçıları çıxarılan valyutanın hamısını alıb. Hərracda tələb 37 milyon dollar ətrafında olub. Beləliklə, tələb təklifi təxminən 2 milyon dollar üstələyib. Yenə, tələb təklifdən çox olduğu şəraitdə Mərkəzi Bank Dolların ucuzlaşdığını açıqladı. Bu, “üzən məzənnə” rejiminə dair şübhələri artırdı.

 RAHAT MEBEL KREDİTİ!

Qeyd edək ki, çoxları Dolların ucuzlaşmasının davam etməyəcəyini hesab edir və manatın bahalaşmasına inanmır. Onlara görə, Manatın güclənməsi üçün iqtisadi səbəb yoxdur, bu, bir “oyundur”.

Əlavə edək ki, Fevralın 1-də Dollar/Manat rəsmi məzənnəsi 1.92 manat səviyyəsinə çıxmışdı. Həmin gün bəzi banklar Dolları 1.94-1.95 manata alıb, 1.99 manatdan baha satırdılar.

Qeyd etdiyimi kimi, Fevralın 1-də Dollar/Manat rəsmi məzənnəsi 1.92 manat səviyyəsinə çıxmışdı. Həmi səviyyə ilə müqayisədə rəsmi məzənnə 10%-ə yaxın geriləyib (Manat 10% bahalaşıb).

HYUNDAİ CRETA! KOMPAKT SUV-UN YENİ ULDUZU!