Ərdoğan sərt çıxış etdi, Lirə sürətlə ucuzlaşdı

Ərdoğan sərt çıxış etdi, Lirə sürətlə ucuzlaşdı

Ərdoğan sərt çıxış etdi, Lirə sürətlə ucuzlaşdı

Ərdoğan: "TÜSİAD faiz çox yüksəkdir" deyir, mən də deyirəm ki, bu yüksək faizi bir aşağı salaq".

Bu gün Türkiyə Mərkəzi Bankı (TCMB) faiz artırmağa hazırlaşarkən, Prezident Ərdoğan sərt bir çıxış edərək yüksək faizlərə qarşı olduğunu açıqlayıb.

"Marja" xəbər verir ki, Ankarada çıxış etmiş Rəcəb Tayyib Ərdoğan, faiz mövzusundakı həssaslığının eyni olduğunu bildirib.

"TCMB müstəqildir, öz qərarını verər", -deyən Ərdoğan, ""İnflyasiya səbəbdir, faiz nəticədir" deyirsənsə bu işi bilmirsən. Mərkəzi Bankın açıqlamış olduğu inflyasiya proqnozlarının bu günə qədər tutduğunu görmədim. Faizi sən təyin edirsən, amma inflyasiya sənin atdığın bu yanlış addımlar səbəbindən ortaya çıxır. Bunun bədəlini millət ödəyir", -açıqlamasında verib.

Ərdoğan çıxışında, "yüksək faizi aşağı salaq deyirəm" söyləyib.

Ərdoğan bank sektoruna da diqqət çəkərək,"Bəzi özəl banklar 50 faizə çatan faizlər ilə kreditlər ayırırlar" deyib.

Ərdoğanının pul siyasətinin sərtləşdirilməsinə, o cümlədən faizin artırılmasına qarşı çıxması Türk Lirəsinin sürətlə ucuzlaşamasına səbəb olub. Lirə Dollar qarşısında 3%-ə yaxın dəyərdən düşüb. Məzənnə 6.34 səviyyələrindən 6.54 səviyyələrinə yüksəlib (13:32-yə olan məlumat).

Bu gün Türkiyə Mərkəzi Bankının Sentyabr iclası keçiriləcək. İclasda faizin artırılacağı gözlənilir. Qərar Bakı vaxtı ilə saat 15:00-da açıqlanacaqdır. Bazarlar faizin 4,25 bənd artırılaraq 17,75%-dən 22%-ə qaldırılacağını gözləyir. Hazırda Türkiyə Mərkəzi Bankının rəsmi bir həftəlik repo faizi 17,75% olsa da, maliyyələşmə 19.25%-dən həyata keçirilir. Bu səbəbdən xalis faiz artımının 2,75 bənd olacağı gözlənilir.

13.09.2018 11:18