Türk Lirəsi bu gün də Dollar qarşısında ucuzlaşır. 

"Marja" xəbər verir ki, Dollar/Türk Lirəsi məzənnəsi 7,1326 səviyyəsini görərək rekord qırıb. 

Ötən Cümə günü 20% ucuzlaşmış Türk lirəsi, bu səhər 10% də dəyər itirib.

Sərbəst bazarda Dolların qiyməti 7.22 lirəyə qalxıb.

1 Avro isə 8 Lirə səviyyəsini keçib.

Qeyd edək ki, bir çox iqtisadçılar bu il Dolların 7 Türk lirəsini keçəcəyini və Türkiyə iqtisadiyyatının çətin günlərinin başlayacağını proqnozlaşdırırdılar. 

ONLAYN MÜRACİƏT EDİN VƏ 1 GÜNƏ MANAT KREDİTİ ALIN

Türkiyə və ABŞ münasibətlərində böhran yaşanır. ABŞ, Türkiyədə cəsusluqda günahlandırılan keşiş Endryu Brunsonun azad buraxılmasını tələb edir və bu səbəbdən Türkiyənin 2 nazirinə sanksiya tətbiq edib.

Cümə günü ABŞ Prezidenti Trampın Türkiyədən idxal edilən alüminium və polada vergi nisbətlərini 2 dəfə artıracaqlarını açıqladı. Bununla bərabər, ABŞ-ın Türkiyə ilə münasibətlərinin yaxşı olmadığını qeyd etdi. Trampın açıqlaması ilə məzənnə rekord səviyyələrə yüksəldi.

Türkiyə Prezidenti Rəcəb Tayyb Ərdoğan təslim olmayacqlarını bildirib.

"Siz dollarla üzərimizə gəlsəniz, biz də başqa yollarla işlərimizi aparmağın yollarını axtaracağıq. 81 milyonluq bir ölkə ilə strateji tərəfdaşlığını, müttəfiqliyini terror təşkilatları ilə əlaqələri uğrunda fəda edənə "Haydı, hələlik deyirik. Bütün dünyaya ticarət savaşı elan edən və buna ölkəmizi də daxil edənə cavabımızı yeni bazarlara, yeni iş birliklərinə, yeni ittifaqlara yönələrək verəcəyik",- deyib.

Ərdoğan: Valyuta hücumlarına baxmayaraq böyüyəcəyik

 
"Türkiyə iqtisadiyyatı 2017-ci ildə 7,4 böyüdü. Xüsusən, ölkəmizə valyuta məzənnəsi üzərindən edilən hücumlara baxmayaraq, böyüməyə davam edəcəyik. 2018-i rekord səviyyədə böyümə ilə (iqtisadi artım ilə) tamamlayacağıq. Heç kimin bizi hədəflərimizdən saxlamasına, məqsədlərimizlə aramıza girməsinə icazə verməyəcəyik".

İqtisadçılar bildirirlər ki, qlobal bazarlar Ərdoğanın açıqlamasına və vədlərinə inanmırlar. Pisləşən münasibətlər xarici investorları hürküdür. 

GECƏYARISI AÇIQLAMA

Türkiyənin xəzinə və maliyyə naziri Berat Albayrak, gecə yarısı sosial media saytı "Twitter" hesabından etdiyi açıqlamada, məzənnənin yüksəlməsinə dair hərəkət planının tətbiq olunmağa başladığını bildirib. Albayrak, vətəndaşların xarici valyutadakı əmanətlərinə əl qoyulacağı və ya TL-yə çevriləcəyinə dair çıxan iddiaların həqiqəti əks etdirmədiyini vurğulayıb. O, əmanət hesablarına əl qoyulacaq şəklində dedi-qodu çıxaranlar haqqında qanuni tədbirlər görüləcəyini açıqlayıb.