Xəlilovlar ailəsi “Budaqdan” brendilə bazara daxil olub

Xəlilovlar ailəsi “Budaqdan” brendilə bazara daxil olub

Xəlilovlar ailəsi “Budaqdan” brendilə bazara daxil olub

“ABAD”ın dəstək verdiyi Balakən rayonunun Yeni Şərif kənd sakini Məhəmməd Xəlilovun ailəsi uzun illərdir ki, cem və mürəbbə istehsalı ilə məşğul olur.

VTB-də yüksək depozit faizləri daha çox qazandırır

Xəlilovlar ailəsi ev şəraitində kustar üsulla hazırladıqları mürəbbələri əsasən, Balakən rayonunda satışa çıxarırdılar. Ev şəraitində cem və mürəbbə hazırlamaq isə çox vaxt və enerji tələb edirdi.

Məhəmməd Xəlilov mürəbbə istehsalı üzrə ailə biznesini inkişaf etdirmək, böyük bazarlara, ticarət şəbəkələrinə, supermarketlərə çıxış əldə etmək üçün “Ailə Biznesinə ASAN Dəstək” layihəsinə - “ABAD”a qoşulmaq qərarına gəlib. İstehsalçının müraciəti qurum tərəfindən müsbət qarşılanıb.

Balakənli istehsalçı müsahibəsində deyib: “Sağ olsunlar, SOCAR-la əməkdaşlıq çərçivəsində ailəmizi içərisində zəruri istehsal avadanlığı olan monoblok-konteynerlə təmin etdilər. Artıq bir ilə yaxındır ki, “ABAD”la əməkdaşlıq edirik. İndi işimiz xeyli asanlaşıb. Bizə təqdim olunan avadanlığın köməyi ilə bazara müasir standartlara uyğun, yüksək keyfiyyətli məhsul çıxara bilirik. İstehsal etdiyimiz qızılgül, qoz, gilas, badımcan, şaftalı, gavalı, qoz ləpəsi mürəbbələri “Budaqdan” brendi ilə satışa çıxarılır”.

Xəlilovlar ailəsi mürəbbələrin hazırlanmasında öz həyətlərində yetişən, həmçinin qonşu həyətlərdən toplanan ekoloji cəhətdən təmiz meyvələrdən istifadə edir. Tam təbii meyvələrdən hazırlanan bu mürəbbələr özünəməxsus dadı ilə seçilir. Ailənin istehsal etdiyi məhsullar müvafiq uyğunluq və gigiyena sertifikatlaşdırmasından da keçib.

“Artıq məhsullarımız paytaxtın iri ticarət obyektlərinə yol tapıb. “ABAD”ın dəstəyi olmadan biz buna nail ola bilməzdik. Gələcəkdə bazara çıxarılacaq məhsulların çeşidini artırmaqla, ailə biznesimizi daha da genişləndirməyi düşünürük”, - deyə təsərrüfatın rəhbəri bildirib.

1 GÜNƏ KREDİT ALIN!

14.06.2018 07:45

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az