Gəmiçilikdə birgə müəssisə - razılığa gəliblər

“Azərbaycan Xəzər Dəniz Gəmiçiliyi” QSC və Odessa Dəniz Mühəndisliyi Bürosu birgə müəssisənin yaradılması haqqında razılığa gəliblər.
“Azərbaycan Xəzər Dəniz Gəmiçiliyi” QSC-nin mətbuat xidmətindən bildirilib ki, Xəzər Dəniz Mühəndisliyi Bürosunun yaradılması haqqında sazişi “Azərbaycan Xəzər Dəniz Gəmiçiliyi” QSC-nin sədri Rauf Vəliyev və Odessa Dəniz Mühəndisliyi Bürosunun direktoru Gennadi Yeqorov imzalayıblar.
Gəmiçilik və gəmiqayırma sahəsində yüksəkkeyfiyyətli, elmi biliklərə əsaslanan layihələrin hazırlanması ilə tanınan Odessa Dəniz Mühəndisliyi Bürosu həm də kompleks elmi tədqiqatları həyata keçirir. Büronun indiyədək hazırladığı 86 layihə üzrə ümumilikdə 307 müxtəlif təyinatlı gəmi inşa edilib. Bütün layihələr gəmiçilik şirkətləri üçün iqtisadi səmərəlilik, təhlükəsizlik, insan həyatının və ətraf mühitin qorunmasını nəzərdə tutan beynəlxalq konvensiyaların tələblərinə uyğun reallaşdırılıb. Bu layihələr Böyük Britaniya Krallığının Gəmi Mühəndisləri Cəmiyyəti (RİNA), ABŞ-ın Gəmiqayırma və Dəniz Mühəndisləri Cəmiyyəti (SNAME), Dəniz qurğuları və gəmi gövdələrinin layihələndirilməsi üzrə Beynəlxalq Komitə (ISSC 2018) kimi beynəlxalq təşkilatların üzvü, Ukrayna Nəqliyyat Akademiyasının akademiki, texnika elmləri doktoru, professor Gennadi Yeqorovun rəhbərliyi ilə gerçəkləşdirilib.
İmzalanma mərasimində Rauf Vəliyev yeni müəssisənin Azərbaycanda dənizçilik sahəsində müasir mühəndislik mərkəzi olacağını bildirib. Onun sözlərinə görə, belə bir müəssisənin yaradılması “Azərbaycan Xəzər Dəniz Gəmiçiliyi” QSC üçün mühüm addımdır.
Yeni yaradılan Xəzər Dəniz Mühəndislik Bürosu layihə-konstruktor işləri, eyni zamanda, müxtəlif təyinatlı gəmi layihələrinin hazırlanması, gəmilərin və üzən qurğuların təmiri, modernləşdirilməsi və istismarı üçün zəruri texniki sənədlərin işlənməsi, bu sahədə mütəxəssislərin hazırlanması, elmi-tədqiqat işlərinin aparılmasını həyata keçirəcək. Birgə müəssisə proqram təminatı və məlumat bazalarının yaradılmasını da təşkil edəcək.
Xatırladaq ki, “Azərbaycan Xəzər Dəniz Gəmiçiliyi” QSC və Odessa Dəniz Mühəndisliyi Bürosunun mütəxəssislərinin uzunmüddətli texniki müzakirələri nəticəsində hazırlanan layihələrə əsasən cari ilin oktyabr və noyabr aylarında Bakı Gəmiqayırma Zavoduna 2 unikal Ro/Pax gəmi-bərənin və 2 tankerin tikintisi sifariş olunub.
Müştərilərin xəbərləri
SON XƏBƏRLƏR
- 1 ay sonra
- 41 d. əvvəl
-
1 saat əvvəl
ABB-nin biznes kreditləri portfeli 131 milyon manatdan çox artıb
-
- 1 saat əvvəl
- 1 saat əvvəl
-
3 saat əvvəl
Britaniya şirkəti Azərbaycanda qızıl hasilatını kəskin artırıb
-
3 saat əvvəl
Sahibkarlara dəstək var: Bank of Baku-dan 100.000 AZN-dək mikrobiznes krediti!
- 3 saat əvvəl
- 3 saat əvvəl
-
4 saat əvvəl
Xalq Bankda Landau məktəbinin şagirdləri üçün maliyyə və bankçılıq üzrə təlim keçirildi
- 4 saat əvvəl
- 4 saat əvvəl
Son Xəbərlər

"Mpay" şirkəti QSC təşkilati-hüquqi formasından imtina etdi

ABB-nin biznes kreditləri portfeli 131 milyon manatdan çox artıb

Avropada təbii qazın qiyməti düşüb

Britaniya şirkəti Azərbaycanda qızıl hasilatını kəskin artırıb

Azərbaycan neftinin son qiyməti

Xalq Bankda Landau məktəbinin şagirdləri üçün maliyyə və bankçılıq üzrə təlim keçirildi

Rəsmi məzənnələr açıqlandı
Ən çox oxunanlar

"Turanbank"ın xalis mənfəəti 2,6 dəfə artıb

Tramp Rusiyanı tariflər ilə hədələyib - "50 gün ərzində Ukrayna ilə razılığa gəlməsə, biz tarifləri 100 faiz artıracağıq"

"Ziraat Bank Azərbaycan"ın xalis mənfəəti 25 faiz artıb

KASKO sığortası: Maliyyə sabitliyinizin təminatı

"Bank of Baku"nun xalis mənfəəti 30 faizə yaxın artıb

Dolların sabah üçün rəsmi məzənnəsi müəyyən olunub

Azərbaycanda 2 milli park yaradılır - SƏRƏNCAM
