Eldar Mahmudov məhkəməyə verildi

Keçmiş milli təhlükəsizlik naziri Eldar Mahmudov və ləğv edilmiş Milli Təhlükəsizlik Nazirliyin Baş İstintaq İdarəsinin rəisi vəzifəsində çalışmış Mövlan Şıxəliyev məhkəməyə verilib.
"MTN işi"ndə zərərçəkmiş qismində tanınan Mətləb Mustafayev hər iki şəxslə bağlı məhkəməyə müraciət edib.
O, E.Mahmudova qarşı Yasamal Rayon Məhkəməsində iddia qaldırıb. M.Mustafayev iddia ərizəsində sabiq nazirin sifarişi ilə şərlənərək həbs edildiyini yazıb və sabiq nazirin 100 min manatdan çox pul təzminatı ödəməsini tələb edir.
Bu iddia ərizəsi baxılması üçün hakim Sərdar Mehrəliyevin icraatına verilib. Məhkəmənin hazırlıq iclası isə aprelin 24-nə təyin edilib.
M.Mustafayev M.Şıxəliyevə qarşı qaldırdığı iddia ərizəsini isə Səbail Rayon Məhkəməsinə göndərib. O, iddia ərisəzində şərlənərək həbs edilməsindən sonra barəsində olan cinayət işi üzrə istintaqın M.Şıxəliyevin rəhbərlik etdiyi idarədə aparıldığını bildirib. M.Mustafayev sabiq idarə rəisindən 63 min manat təzminat tutularaq ona ödənilməsini istəyib.
Bu iddia ərizəsi üzrə hazırlıq iclası mayın 1-ə təyin olunub. İşə hakim Nurəddin Bağırovun sədrliyi ilə baxılacaq.
Bundan başqa, M.Mustafayev hər iki iddia ərizəsində Maliyyə Nazirliyini də cavabdeh kimi göstərib. O, buna səbəb kimi isə həm E.Mahmudov, həm də M.Şıxəliyevin vaxtilə dövlət orqanlarında rəhbər şəxs olmalarını qeyd edib.
Xatırladaq ki, M.Mustafayev əvvəllər Dövlət Əmlak Komitəsində müxtəlif vəzifələrdə, həmçinin 2014-cü ilədək Azərsu ASC-də iqtisadçı işləyib. O, 2014-cü ilin sentyabrında MTN-in keçirdiyi əməliyyat nəticəsində həbs edilib. M.Mustafayev Cinayət Məcəlləsinin 228.1-ci (qanunsuz silah saxlama) maddəsi ilə ittiham edilib və 2015-ci il aprelin 24-də Nəsimi Rayon Məhkəməsinin hökmü ilə 2 il müddətinə azadlıqdan məhrum olunub. Bakı Apellyasiya Məhkəməsi isə hökmü qüvvədə saxlayıb. Ali Məhkəmə isə Bakı Apellyasiya Məhkəməsinin qərarını ləğv edib.
Bundan sonra Bakı Apellyasiya Məhkəməsi M.Mustafayevin işinə yenidən baxaraq, onun barəsində bəraət hökmü çıxarıb.
Qeyd edək ki, M.Mustafayev MTN-in Antiterror Mərkəzinin sabiq rəisi Elçin Quliyev və Azər Mehdiyevin cinayət işində zərəçəkmiş qismində tanınır. Bakı Hərbi Məhkəməsinin hökmü ilə E.Quliyev 10 il 6 ay, A.Mehdiyev isə 8 il azadlıqdan məhrum edilib. Bakı Apellyasiya Məhkəməsi də hökmü qüvvədə saxlayıb.
M.Mustafayevin MTN-də 31 il xidmət etmiş qardaşı, polkovnik Malik Mustafayev onun həbsindən bir neçə gün sonra özünü asaraq, intihar edib.
© Report
Müştərilərin xəbərləri
SON XƏBƏRLƏR
- 13 d. əvvəl
-
23 d. əvvəl
"Hərracda satış 70 milyon olanda başlayırsınız qalmaqal etməyə, 20 milyon olanda səsiniz də çıxmır"
-
31 d. əvvəl
"Kapital Bank" 30 milyon manat pul üçün illik 11% ödəməyə hazırdır
-
- 39 d. əvvəl
- 58 d. əvvəl
-
1 saat əvvəl
“AzInTelecom” Kosmik Texnologiyalar Konfransında iştirak edir
-
1 saat əvvəl
Çin brendinin Azərbaycanda rəsmi nümayəndəliyi Çində səfərdə olub
-
2 saat əvvəl
Azərbaycanda pambıq sahələrinin sığortalanması prosesinə start verilir
- 2 saat əvvəl
- 3 saat əvvəl
-
3 saat əvvəl
Rezidentura və magistratura imtahanları elektronlaşdırılacaq
-
4 saat əvvəl
"FINCA Azərbaycan" istiqrazları satışa çıxarılır: illik 15% gəlir
Son Xəbərlər

AZAL iki populyar kurort şəhərinə uçuşlara başlayır

"Hərracda satış 70 milyon olanda başlayırsınız qalmaqal etməyə, 20 milyon olanda səsiniz də çıxmır"

"Kapital Bank" 30 milyon manat pul üçün illik 11% ödəməyə hazırdır

XalqKartda Kitab Gününə özəl 10% keşbek

Çin brendinin Azərbaycanda rəsmi nümayəndəliyi Çində səfərdə olub

Sabahın hava proqnozu açıqlanıb

Kürdəxanıda istixananın bir hissəsi yanğından mühafizə olunub, digər istixanalara keçməsinin qarşısı alınıb
Ən çox oxunanlar

Rezidentura və magistratura imtahanları elektronlaşdırılacaq

"FINCA Azərbaycan" istiqrazları satışa çıxarılır: illik 15% gəlir

"Azərkosmos" 20-yə yaxın əməkdaşlıq sənədi imzalamağı planlaşdırır

“PAŞA Bank”dan bizneslərə dəstək: Faktorinq xidmətində 50% endirim

AFB Bank-da yeni təyinat
