Bu sahələrdə məhsul istehsalı sürətlə artır

Bu sahələrdə məhsul istehsalı sürətlə artır

2017-ci ilin müvafiq dövrü ilə müqayisədə cari ilin birinci rübündə tikinti materiallarının istehsalı sahəsində fəaliyyət göstərən müəssisələr tərəfindən istehsal edilmiş məhsulun ümumi dəyəri 38,7 faiz artaraq 111,9 milyon manat təşkil etmişdir.

Bu barədə "Marja"ya Dövlət Statistika Komitəsindən bildirilib.

Hörmə üçün hazır beton qarışığının istehsalı 2,6 dəfə, tikinti kərpicinin istehsalı 50,7 faiz, asfaltın istehsalı 41,7 faiz, sementin istehsalı 25,8 faiz artmışdır.

Məhsul növləri	2018-ci ilin yanvar-mart aylarında istehsal edilmişdir	Əvvəlki ilin müvafiq dövrünə nisbətən, faizlə	01.04.2018-ci il vəziyyətinə hazır məhsul ehtiyatı
Sement, min ton	579,7	125,8	84,2
Şüşə lifindən iplik, ton	81,0	59,5	-
Tikinti gipsi, min ton	3,3	12,1	0,4
ondan əmtəəlik	1,3	7,4	0,4
Tikinti əhəngi, min ton	6,6	97,2	0,01
Sementdən, süni daşdan və ya betondan tikinti blokları və kərpicləri, min ton	17,0	85,8	8,5
Betondan yığma tikinti konstruksiyaları, min kub m	22,9	57,5	3,6
Asfalt, min ton	17,8	141,7	-
Tikinti kərpici, min kub metr	59,0	150,7	22,1
Hörmə üçün hazır beton qarışığı, min ton	262,9	2,6 d.	-
Emal edilmiş mərmər, travertin, alebastr və onlardan məmulatlar, ton	2 470,0	2,2 d.	127,3

Metallurgiya sənayesi və hazır metal məmulatlarının istehsalı sahələrində yanvar-mart aylarında 208,7 milyon manatlıq məhsul istehsal olunmuş, hazır metal məmulatlarının istehsalı sahəsində 2,5 dəfə, metallurgiya sənayesində isə 11,5 faiz artım müşahidə olunmuşdur.

Yanvar-mart ayları ərzində sahə üzrə 87,0 min ton (16,3 faiz çox) polad tökmə, 68,2 min ton (43,6 faiz çox) armatur, 5 557,2 ton (6,4 dəfə çox) misdən elektrik izolyasiyası olmayan çoxdamarlı məftil, tros və kabellər, 165,6 ton (1,6 dəfə çox) alüminium çubuqlar, millər və profillər istehsal edilmişdir.

Məhsul növləri	2018-ci ilin yanvar-mart aylarında istehsal edilmişdir	Əvvəlki ilin müvafiq dövrünə nisbətən, faizlə	01.04.2018-ci il vəziyyətinə hazır məhsul ehtiyatı
Metallurgiya sənayesi məhsulları
Çuqun tökmə, ton	0,4	-	255,6
ondan əmtəəlik	-	-	255,6
Polad tökmə, min ton	87,0	116,3	5,2
Armatur, min ton	68,2	143,6	1,8
ondan əmtəəlik	64,5	135,9	1,8
Polad borular, ton	13,5	72,4	-
Emal edilməmiş alüminium ərintiləri, min ton	7,3	96,4	1,2
Alüminium çubuqlar, millər və profillər, ton	165,6	1,6 d.	173,8
Hazır metal məmulatlarının istehsalı
Qara metallardan qeyri-elektrik radiatorlar və onların hissələri, ton	3,2	21,3	-
Mayelər üçün çənlər, sisternlər, ton	800,2	10,6 d.	40,0
Misdən elektrik izolyasiyası olmayan çoxdamarlı məftil, tros və kabellər, ton	5 557,2	6,4 d.	-

17.04.2018 13:49

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az