Azərbaycan əhalisinin 2 aylıq gəliri açıqlandı

Azərbaycan əhalisinin 2 aylıq gəliri açıqlandı

Azərbaycan əhalisinin 2 aylıq gəliri açıqlandı

2018-ci ilin yanvar-fevral aylarında ölkə əhalisinin nominal gəlirləri əvvəlki ilin müvafiq dövrünə nisbətən 10,2 faiz artaraq 7 milyard 700,3 milyon manat olmuş və ya əhalinin hər nəfərinə orta hesabla 786,4 manat təşkil etmişdir.

VTB-də minimal faiz dərəcəsi ilə nağd kredit 9.9%-dən

Bu barədə Dövlət Statistika Komitəsindən bildirilib.

Bütün icbari və könüllü ödənişlər edildikdən sonra əhalinin sərəncamında 7 milyard 69,6 milyon manatlıq və ya əvvəlkindən 10,7 faiz çox vəsait qalmışdır.

Əhalinin gəlirlərinin əsas göstəriciləri 2018-ci ilin yanvar-fevral aylarında		Əvvəlki ilin müvafiq dövrünə nisbətən, faizlə
Əhalinin nominal gəlirləri, mlyn. manat	7700,3		110,2
hər nəfərə, manat	786,4		109,2
Sərəncamda qalan gəlirlər, mlyn. manat	7069,6		110,7
hər nəfərə, manat	722,0		109,7

Əmək haqqı

2018-ci ilin yanvar ayında ölkə iqtisadiyyatında muzdla çalışan işçilərin orta aylıq nominal əmək haqqı 2017-ci ilin müvafiq dövrünə nisbətən 3,0 faiz artaraq 519,8 manat təşkil etmişdir. Əmək haqqı neft sektorunda 3129,2 manat, qeyri-neft sektorunda 458,9 manat təşkil etmişdir. Dövlət müəssisələrində çalışan işçilərin əmək haqları 394,2 manat, özəl müəssisələrdə isə 695,0 manat olmuşdur.

2018-ci ilin yanvar ayında iqtisadi fəaliyyət və mülkiyyət növləri üzrə orta aylıq nominal əmək haqqı

(manat) İqtisadi fəaliyyət növləri		Cəmi	o cümlədən
dövlət			qeyri-dövlət
Ölkə üzrə – cəmi	519,8		394,2	695,0
Kənd təsərrüfatı, meşə təsərrüfatı və balıqçılıq	241,2		182,6	331,4
Mədənçıxarma sənayesi	3 098,0		1 235,5	4 320,4
Emal sənayesi	546,9		668,6	520,1
Elektrik enerjisi, qaz və buxar istehsalı, bölüşdürülməsi və təchizatı	561,1		561,8	524,5
Su təchizatı, tullantıların təmizlənməsi və emalı	300,2		260,3	724,4
Tikinti	766,7		503,2	883,1
Ticarət; nəqliyyat vasitələrinin təmiri	385,4		323,8	385,6
Nəqliyyat və anbar təsərrüfatı	760,7		736,8	816,7
Turistlərin yerləşdirilməsi və ictimai iaşə	522,8		683,8	515,5
İnformasiya və rabitə	822,4		542,3	1 293,3
Maliyyə və sığorta fəaliyyəti	1 337,4		1 305,0	1 345,0
Daşınmaz əmlakla əlaqədar əməliyyatlar	375,1		297,3	518,8
Peşə, elmi və texniki fəaliyyət	859,9		361,7	1 839,8
İnzibati və yardımçı xidmətlərin göstərilməsi	547,8		452,4	658,6
Dövlət idarəetməsi və müdafiə; sosial təminat	529,4		550,0	215,4
Təhsil	332,0		329,7	418,5
Əhaliyə səhiyyə və sosial xidmətlərin göstərilməsi	221,7		214,5	304,3
İstirahət, əyləncə və incəsənət sahəsində fəaliyyət	261,6		225,2	788,4
Digər sahələrdə xidmətlərin göstərilməsi	647,4		440,2	685,5