İstiqrazlar listinqə qəbul edildi

İstiqrazlar listinqə qəbul edildi

"Azərbaycan İpoteka Fondu" ASC-nin istiqrazları BFB-də listinqə qəbul edilmişdir.

24 yanvar 2016-ci il tarixində Bakı Fond Birjasının (BFB) Listinq Komitəsinin qərarı ilə "Azərbaycan İpoteka Fondu" ASC- nin (AİF) faizli adlı sənədsiz təmin edilmiş istiqrazları BFB-də əsas bazar seqmentində listinqə daxil edilmişdir. Birjadan “Marja”ya daxil olmuş məlumata görə, istiqrazların buraxılış şərtləri aşağıdakı kimidir:

№

Emitent

Q/k növü və forması

Ticarətə buraxılan qiymətli kağızların sayı

Nominal

İstiqrazlar üzrə gəlirlilik

"Azərbaycan İpoteka Fondu" ASC

Adi,

sənədsiz, adlı təmin edilmiş,

faizli

50 000 (ədəd)

1000 AZN

3 %

Listinqə alınmış qiymətli kağızlar kütləvi təklif qaydasında, hərraclar vasitəsilə BFB-də yerləşdiriləcəkdir. İstiqrazlar hərraca tranşlarla (hissə-hissə) çıxarılacaqdır. Hərracların keçirilməsi tarixi və hərraca çıxarılacaq qiymətli kağızların miqdarı barədə məlumat əlavə olaraq açıqlanacaqdır.

İlk hissəsinin yerləşdirilməsinə başlanılır

27 yanvar 2017-ci il tarixində Bakı Fond Birjasında (BFB) «Azərbaycan İpoteka Fondu» ASC – nin (AİF) AZ2010008681 dövlət qeydiyyat nömrəli, faizli adlı sənədsiz təmin edilmiş istiqrazlarının kütləvi təklif qaydasında yerləşdirilməsi üzrə ilk hərrac keçiriləcəkdir

. İstiqrazların buraxılış parametrləri aşağıdakılardır:

Dövlət qeydiyyat №-si	AZ2010008681
Hərraca çıxarılan həcm	10 000 000 AZN
İstiqrazların nominal dəyəri	1000 АZN
İstiqrazların tədavül müddəti	3600 gün
İstiqrazlar üzrə gəlirlilik	3 %

İstiqrazların buraxılış şərtlərinə əsasən, bir istiqrazın satış qiyməti 1000 AZN təşkil edəcəkdir. Təqdim edilmiş sifarişlər təklifdən çox olduğu halda sifarişlər mütənasib qaydada təmin ediləcəkdir.

AİF-in təmin edilmiş istiqrazlarının emissiya prospekti Bakı Fond Birjasının internet saytının (www.bfb.az) “Emitentlər” bölməsində yerləşdirilmişdir.

BFB-də ticarətdə iştirak etməkdə maraqlı olan şəxslər birja üzvü olan investisiya şirkətlərinə müraciət edə bilərlər. Birja üzvlərinin əlaqə vasitələri BFB-nin internet saytının (www.bfb.az) “Üzvlər” bölməsində yerləşdirilib.

25.01.2017 15:01

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az