Zaqataladan xaricə ixrac edildi, 73 milyon dollar əldə edildi

Zaqataladan xaricə ixrac edildi, 73 milyon dollar əldə edildi

Zaqataladan xaricə ixrac edildi, 73 milyon dollar əldə edildi

2017-ci ildə Zaqatala rayonunda sənaye sahəsi üzrə məhsul buraxılışı əvvəlki illə müqayisədə 41 faiz artaraq 149 milyon 430 min manat olub.

Bu barədə fevralın 7-də Zaqatalada 2017-ci ilin sosial-iqtisadi inkişafının yekunları və qarşıda duran vəzifələrə həsr olunan hesabat yığıncağında məlumat verilib.

VTB-də yüksək depozit faizləri daha çox qazandırır

Qeyd edilib ki, sənayedə məhsul buraxılışının 83 faizini fındıq və fındıq məhsullarının satışından əldə olunan gəlirlər təşkil edib.

Ötən il Zaqatala rayonundan xaricə fındıq və fındıq məhsullarının ixrac edilməsi nəticəsində Azərbaycana 73 milyon dollar və ya 124 milyon 401 min manat vəsait daxil olub. Fındıq ixracından əldə olunan gəlir əvvəlki illə müqayisədə 38,4 faiz artıb. 2017-ci ildə rayonun fındıq bağlarından 13 min 422 ton, yəni əvvəlki ildəkindən 4 min 512 ton çox məhsul tədarük olunub.

Rayon icra hakimiyyətinin başçısı Mübariz Əhmədzadənin hesabat məruzəsində bildirilib ki, ötən il 743 hektar sahədə tütün əkilib, 891 ton quru tütün istehsal olunub. Məhsul istehsalı əvvəlki illə müqayisədə 363 ton artıb. 2017-ci ildə Zaqatala rayonundan tütün ixrac edilməsi nəticəsində respublikaya 12 milyon dollar və ya 19 milyon 931 min manat vəsait daxil olub. Tütün ixracından əldə olunan gəlir əvvəlki illə müqayisədə 67,6 faiz artıb. Ötən il rayonda 21,4 ton, yəni əvvəlki ildəkindən 3,5 dəfə çox barama istehsal olunub. 2017-ci ilin yaz və payız mövsümlərində rayon ərazisində 1732 hektar sahədə yeni fındıq bağları salınmaqla, bağların ümumi sahəsi 18 min 151 hektara çatdırılıb.

Ənənəvi və ixrac potensialı yüksək sahələrdən biri olan gülçülüyün inkişaf etdirilməsi üçün “AzRose” MMC-nin sifarişi ilə ötən il rayonun Aşağı Tala kəndi ərazisində qızılgül yağı istehsalı müəssisəsinin tikintisi aparılıb. Müəssisə tərəfindən həmin ərazidə 192 hektar sahədə gül plantasiyası salınıb.

07.02.2018 15:10