Dollara təsir edə biləcək kritik məlumatlar açıqlanacaq

Dollara təsir edə biləcək kritik məlumatlar açıqlanacaq

Bu gün Dollara təsir edə biləcək mühüm məlumatlar açıqlanacaqdır. Qlobal bazarlar ABŞ-da açıqlanacaq kənd təsərrüfatı xaric məşğulluq, işsizlik nisbəti və orta saatlıq əməkhaqqı artımı məlumatlarına fokuslanıb.

“Marja” xəbər verir ki, ABŞ-da kənd təsərrüfatı xaric məşğulluq məlumatı Bakı vaxtı ilə saat 17:30-da açıqlanacaqdır. ABŞ-da 2018-ci ilin Yanvar ayında məşğulluğun 184 min artacağı gözlənilir. Dekabrda məşğulluq 148 min nəfər artmışdı.

ƏLAVƏ GƏLİR QAZANMAĞA BAŞLAYIN

Eyni zamanda, ABŞ-da işsizlik nisbəti məlumatı da açıqlanacadır Dünyanın ən böyük iqtisadiyyatında işsizlik nisbətinin dəyişməyərək Yanvarda 4,1%-də qalacağı proqnozlaşdırılır.

Yanvarda orta saatlıq maaşın aylıq 0,3% artacağı gözlənilir. Dekabrda da artım 0,3% təşkil etmişdi.

ABŞ-da məşğulluğun artması, FED-in faiz artırması üçün mühüm əhəmiyyət daşıyan məlumatlardan biridir.

Kənd təsərrüfatı məşğulluq məlumatı kənd təsərrüfatı xaricində son ay ərzində işləyən insanların sayındakı dəyişiklikləri müəyyən edir. Məşğulluğun artması ölkənin pul vahidinə müsbət bir təsir göstərir. Kənd təsərrüfatı xaric məşğulluq məlumatının proqnozdan yüksək çıxması dollar üçün pozitiv/buğa, aşağı çıxması isə neqativ/ayı bazarıdır. Yeni iş yerlərinin açılması və nətəcədə gəlir əldə edən insanların daha çox xərcləməsi ümumi daxili məhsul (ÜDM) üçün önəmlidir.

ABŞ Mərkəzi Bankı Fed-in bu il birincisi Martda olmaqla 3 dəfə faiz artıracağı gözlənilir. Borclanma faizləri yüksələcəyindən dövriyyəyə dolların daxil olması sürəti aşağı düşəcəkdir və bunun da dolların daha da güclənməsinə səbəb olacağı gözlənilir.

02.02.2018 08:59