Azercell-in də daxil olduğu "ailənin" daha bir üzvü satılır

Azercell-in də daxil olduğu "ailənin" daha bir üzvü satılır

Azercell-in də daxil olduğu "ailənin" daha bir üzvü satılır

"Turkcell" və "Telia Sonera" şirkətlərinə məxsus "Fintur" şirkəti "Gürtel Telekomünikasyon" şirkətinin sahibidir (99,99 faiz paya malikdir). "Gürtel Telekomünikasyon" şirkəti isə Gürcüstandakı "Geocell" şirkətinin sahibidir (100% payla).

VTB-də yüksək depozit faizləri daha çox qazandırır

"Marja" xəbər verir ki, "Fintur" şirkəti "Geocell"i Gürcüstan şirkəti "Silknet"ə 153 milyon dollara satmaq üçün ilkin saziş imzalayıb.

Prosesin rəsmi qurumun razılığından sonra başa çatdırılması nəzərdə tutulur.

Bu həftə həmçinin, Qazaxıstanın telekommunikasiya operatoru "Kazakhtelecom", "Kcell"in 75 faiz səhmini satın almaq üçün Qazaxıstan Milli İqtisadiyyat Nazirliyinin Təbii İnhisarların Tənzimlənməsi və Rəqabətin Qorunması Komitəsinə müraciət etmişdir.

"Kcell"in 24 faizi "Teliasonera Kazakhstan Holdinq B.V."yə aiddir. Bundan başqa "Telia Sonera"nın "Türkcell" ilə birgə şirkəti "Fintur Holdings" şirkəti "Kcell"in 51 faiz səhminə sahibdir.

"Telia Sonera", 2017-ci ilin sonuna qədər bütün aktivlərini sataraq, Azərbaycan daxil Avrasiya regionundan çıxmağı planlaşdırdığını açıqlamışdı.

"Turkcell"in Azərbaycan, Qazaxıstan, Gürcüstan və Moldovadakı fəaliyyətini təmin edən "Fintur" şirkətində (Fintur Holdings B.V) 41,45 faiz payı var. Qalan 58,55 faiz pay isə "Telia Sonera"ya aiddir. "Telia Sonera" "Fintur"dakı payını da satacağını elan edib.

"Azercell" şirkətinin səhmdarı Türkiyənin “Azertel Telekomünikasyon Yatırım Dış Ticaret A.Ş.” şirkətidir (100%). Bu şirkət Türkiyənin “Cenay” Şirkətlər qrupuna daxildir.

“Azertel”in nizamnamə kapitalının 51.3%-i “Fintur Holdings B.V”yə, 42.2%-i “Cenay İletisim”ə və 6.5%-i Maltanın “FA Invest” şirkətinə aiddir. "Turkcell"in səhmdarı olduğu “Fintur”un dolayı yolla “Azercell”sə 51,3% payı var.

"Fintur" şirkətinin“Azertel Telekomünikasyon Yatırım Dış Ticaret A.Ş.”dəki payının da satılacağı gözlənilir.

26.01.2018 08:39

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az