Azərbaycanın boru istehsalçısı rəqiblərini bazardan sıxışdırıb çıxarıb

Azərbaycanın boru istehsalçısı rəqiblərini bazardan sıxışdırıb çıxarıb

Azərbaycanın boru istehsalçısı rəqiblərini bazardan sıxışdırıb çıxarıb

"MET-AK" reklam deyil" sloqanı ilə də tanınan Azərbaycanın "MET-AK" şirkətinin uğurunun səbəblərdən biri də yatırdığı böyük sərmayələrdir.

"Marja" xəbər verir ki, "MET-AK" satışlarının və xalis mənfəətinin artdığını açıqlayıb (Daha ətraflı: http://marja.az/news/19522).

Şirkət bəyan edib ki, artıq əsas rəqiblər bazardan sıxışdırılaraq çıxarılıb:

"Plastik məmulat istehsalının əsasını təşkil edən qəliblərin (press-formaların) müəssisənin özü tərəfindən istehsal edilməsi, şirkətin bazarda məhkəmlənməsinə səbəb olmuş və əsas rəqiblərin bazardan sıxışdırıb çıxarmasına nail olmuşdur".

Ciddi rəqiblərin olmaması, plastik borulara təlabatın artması, yeni məhsulların bazara çıxarılması "MET-AK"ın satışlarının kəskin artmasına səbəb olub. Şirkətin 2017-ci ilin 6 ayındakı satışları 31 milyon 423 min manat təşkil edib. 2015-ci ildə şirkətin məhsul satışından cəmi gəliri 4 milyon 425 min manat, 2016-cı ildə isə 28 milyon 505 min manat təşkil etmişdi. Şirkət bu il, 6,3 milyon manat xalis mənfəət əldə edəcəyini proqnozlaşdırır.

"2017-ci ildə plastik boru və fittinq bazarıında ciddi artım müşahidə olunmuşdur. Bu, birbaşa şirkətin satışlarının əvvəlki illərlə müqayisədə nəzərəçarpacaq dərəcədə artmasına səbəb olmuşdur.

Bundan başqa "MET-AK" şirkəti kənd təsərrüfatı təyinatlı məhsulların (meyvəçilikdə istifadə olunan müxtəlif ölçülü taraların) istehsalına başlamışdır. Həmin məhsullar üzrə çoxlu sayda sifarişlərin qəbul edilməsi, gələcək illərdə gəlirlərin əsaslı şəkildə artacağına işarədir. Bundan əlavə, müəssisə elektrik qaynaqlı polad boruların istehsalını planlaşdırır. "MET-AK" şirkəti həm də ticarətlə məşğuldur və elektrik qaynaqlı polad boruları idxal edib ticarətini həyata keçirir. Bu ildən bu məhsulların istehsalına başlanması idxal zamanı meydana gələ biləcək potensial riskləri (məsələn, idxal rüsumunun artırılması) minimumlaşdırmaq üçün olduqca vacibdir",- "MET-AK" şirkəti bildirib.

23.01.2018 10:05

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az