"Proqnozlaşdırılan neft qiymətləri ilə (45 dollar) tədiyyə balansının cari əməiyyatar hesabında profisitin olacağı gözlənilir. İdxalın əvəzlənməsi və ixracın stimullaşdırılması istiqamətində qəbul edilmiş qərarların cari əməliyyatlar hesabına müsbət təsiri növbəti ildə və ortamüddətli  perspektivdə də davam edəcəkdir. Kapital və maliyyənin hərəkətinə isə iri enerji layihələrinin reallaşdırılması ilə bağlı kapital axınları təsir edəcəkdir". 

"Marja" xəbər verir ki, bu. Azərbaycan Respublikası Mərkəzi Bankının 2018-ci il və ortamüddətli dövr üçün pul siyasətinin əsas istiqamətləri haqqında Bəyanatında deyilir. 
 

"Qiymətləndirmələr göstərir ki, tədiyyə balansı və Neft Fondunun büdcəyə transfertlərinin həcmi  2018-ci ildə valyuta bazarında sabitliyi təmin etməlidir. Manatın məzənnəsinin uzunmüddətli trendini məhz bu fundamental makroiqtisadi amillər formalaşdırır. Valyuta bazarının uzunmüddətli sabitliyi üçün tətbiq edilən valyuta nəzarətinin optimallaşdırılması da mühüm əhəmiyyətə malikdir",- Bəyanatda deyilir.

Fiskal siyasətdəki nisbi yumuşalmanı nəzərə almaqla Mərkəzi Bank 2018-ci ildə də konservativ (mühafizəkar) pul siyasətini davam etdirəcəkdir. Bunun üçün Mərkəzi Bank adekvat monetar şəraitin formalaşmasını təmin edəcəkdir.

"VALYUTA BAZARINA MÜDAXİLƏ EDƏ BİLƏRİK"

Bəyanatda bildirilir ki, Mərkəzi Bank çevik məzənnə rejimini saxlayacaqdır. Mərkəzi Bank milli valyutanın fundmental makroiqtisadi amillərdən irəli gəlməyən qısamüddətli dəyişkənliyinin qarşısının alınması məqsədilə məhdud sayda və həcmdə valyuta bazarına müdaxilə edə bilər.

Manatın əhəmiyyətli bahalaşaması bir sıra risklərə yol aça bilərdi.

Bəyanatda qeyd olunub ki, çevik məzənnə rejimi şəraitində II rübdən sonra milli valyuta əlavə möhkəmlənmə təzyiqi altında olub.

“Manatın əhəmiyyətli möhkəmlənməsi bir sıra mikro və makro risklərin reallaşmasına yol aça bilərdi. Valyuta bazarında təklifin tələbi üstələməsi, büdcəyə valyuta transfertlərinin reallaşması ilə bağlı çətinliklər şəraitində fiskal sektorun likvidliyə olan tələbatı pul bazasının artımına və monetar şəraitə təsir göstərən əsas amil olub. 2017-ci ilin 11 ayında pul siyasətinin əsas əməliyyat hədəfi olan manatla pul bazası 10,5% artıb”, - deyə sənəddə vurğulanıb.       

Davam edəcək....