Bitcoin alanlar üsyan edir

Bitcoin alanlar üsyan edir

Kriptovalyuta bazarında 600 milyard dollar pul fırlanır. Lakin bu bazar üçün pis hadisələr yaşanır.

"Marja" xəbər verir ki, dünya miqyasında Bitcoin-ə kiber hücumlar baş verir. Cənubi Koreyada fəaliyyət göstərən Youbit's birjası iflas edib. Hücumlar Türkiyəyə də təsir edib. Yaşanan çətinliklər Türk investorlarını bezdirib. Sayları 7 min 500-ü keçən kriptovalyuta birjaları arasında TL ilə əməliyyat aparıla bilinən dörd birjada əmrləridə baş verən gecikmələr investorların sosial mediada üsyan etmələrinə səbəb olub.

VTB-də yüksək depozit faizləri daha çox qazandırır

TL ilə Bitcoin və bənzəri kripto pul vahidlərinin alınıb satdıldığı BTCTURK, Paribu, Koinim və Koineks platformalarında gecikmələr mövcuddur. Bu problemlərin Bitcoin-in rekord üstünə rekord qırarkən daha da artdığı müşahidə edilməyə başlanıb.

Şikayətlərin bir digəri isə xaricdəki Bitcoinin dollar qiyməti ilə Türk birjalarındakı TL qiyməti arasındakı qiymət "qayçısının" (arbitraj) açılmasıdır.

Problemlər sosial mediada da geniş müzakirə edilir.

Bitcoin investorlarının yaşadığı problemlərdən bir digəri isə, xüsusilə Bitcoinin qəfil yüksəlişə keçdiyi dövrlərdə yerli platformada aparılan servis işləri səbəbilə əməliyyat aparılmasının dayandırılmasıdır.

Kripto pulların arxasında hər hansı bir tənzimləyici orqan və qanun yoxdur. Mümkün zərər zamanı ziyançəkənlərə heç bir kompensasiya ödənilməyəcəkdir.

"ÖLÜMCÜL BİTCOİN-DƏN UZAQ DURUN!

Danimarka Mərkəzi Bankının sədri Lars Rohde, həftənin əvvəlində dövlət televiziyasına verdiyi müsahibəsində, kripto pul haqqında, "Ölümcül Bitcoin-dən uzaq durmalısınız" deyib. Bitcoinin nəzarət olunmayan bir bazar olduğuna diqqət çəkən Rohde, işlərin tərs getməsi halında kripto pul investorlarının rəsmi orqanlara şikayət etməməyi məsləhət görüb.

Yaponiyanın naliyyə naziri Taro Aso da Bitcoinin bir pul vahidi olmadığını deyib.

20.12.2017 05:22