Azərbaycanda Kənd təsərrüfatı məhsullarının istehsalı və emalına dair Strateji Yol Xəritəsinin həyata keçirilməsi məqsədilə meyvə-tərəvəz məhsulları emalı, süd emalı və ət istehsalı üzrə müəssisələrin yaradılmasının daha məqsədəuyğun olduğu rayonlar müəyyənləşdirilib. 

Bu barədə "Marja"ya Azərbaycanda İxracın və İnvestisiyaların Təşviqi Fondundan (AZPROMO) məlumat verilib.

Aşağıdakı rayon və şəhərlərdə kiçik və orta ölçülü meyvə-tərəvəz məhsulları emalı müəssisələrinin yaradılması məqəsədəuyğun hesab edilmişdir:

Quba-Xaçmaz iqtisadi rayonu üzrə:

- Quba və ya Qusar rayonlarından birində alma konsentratı zavodu (illik 50 min ton olan);

- Quba rayonunun meyvə yetişdirilən əsas kənd və qəsəbələrində də kiçik həcmli meyvə emalı (o cümlədən qurudulması) müəssisələrinin yaradılması;

- Qusar rayonunda kiçik və orta həcmli meyvə emalı və meyvə qurutma müəssisələrinin yaradılması;

- Xaçmaz rayonunda kiçik və orta həcmli meyvə-tərəvəz emalı müəssisələrinin yaradılması.

Gəncə-Qazax iqtisadi rayonu üzrə:

- Şəmkir, Tovuz və Goranboy rayonlarında kiçik və orta həcmli meyvə-tərəvəz emalı, o cümlədən meyvəqurutma müəssisələrinin yaradılması.

Aran iqtisadi rayonu üzrə:

- Sabirabad, Bərdə, Yevlax, Zərdab, Neftçala və Ucar rayonlarında kiçik və orta həcmli meyvə-tərəvəz emalı, o cümlədən meyvəqurutma müəssisələrinin yaradılması.

Şəki-Zaqatala iqtisadi rayonu üzrə:

- Şəki, Oğuz, Qax və Balakən rayonlarında kiçik və orta həcmli meyvə emalı, o cümlədən meyvə qurututma müəssisələrinin yaradılması.

Lənkəran iqtisadi rayonu

- Astara və Masallı rayonlarında kiçik meyvə-tərəvəz emalı müəssisələrinin yaradılması.

Dağlıq Şirvan iqtisadi rayonu

- Şamaxı və İsmayıllı rayonlarında meyvə emalı və meyvəqurutma müəssisələrinin yaradılması.

Yuxarı Qarabağ iqtisadi rayonu

- Ağdam, Tərtər və Füzuli rayonlarında meyvə-tərəvəz emalı və meyvəqurutma müəssisələrinin yaradılması.

Aşağıdakı rayon və şəhərlərdə kiçik və orta ölçülü ət və süd məhsulları email müəssisələrinin yaradılması məqəsədəuyğun hesab edilmişdir:

Quba-Xaçmaz iqtisadi rayonu üzrə:

- Xaçmaz, Qusar və Şabran rayonlarında süd emalı.

Gəncə-Qazax iqtisadi rayonu üzrə:

- Şəmkir, Goranboy, Qazax və Samux rayonlarında süd emalı.

Aran iqtisadi rayonu üzrə:

- Sabirabad, Saatlı, İmişli, Ağdaş, Bərdə, Yevlax, Neftçala, Ucar, rayonlarında süd və ət emalı (kəsim).

Şəki-Zaqatala iqtisadi rayonu üzrə:

- Şəki, Oğuz və Balakən rayonlarında süd emalı.

Lənkəran iqtisadi rayonu

- Cəlilabad, Astara və Yardımlı rayonlarında süd emalı.

Dağlıq Şirvan iqtisadi rayonu

- Şamaxı, Ağsu, Qobustan və İsmayıllı rayonlarında süd emalı.

Yuxarı Qarabağ iqtisadi rayonu

- Ağdam və Füzuli rayonlarında süd emalı