Facebook-un qazancı 80%-ə yaxın artıb

Facebook-un qazancı 80%-ə yaxın artıb

Facebook-un bu ilin üçüncü rübündə xalis mənfəəti, ötən ilin eyni dövrünə nisbətən 79 faiz artmışdır.

"Marja" xəbər verir ki, dünyanın ən böyük sosial media saytı Facebook, Nyu-York Birjasının bağlanmasının ardından, bu ilin üçüncü rübünə dair balansını açıqlayıb.

Facebook-dan verilən açıqlamada, şirkətin xalis mənfəətinin bu ilin üçüncü rübündə 4,7 milyard dollara çataraq ötən ilin eyni dövrü ilə müqayisədə 79 faiz artım olduğu bildirilib. Şirkət, 2016-nın iyul-sentyabr dövründə 2,63 milyard dollar təmiz gəlir əldə etmişdi.

Açıqlamada, şirkətin bir səhminə düşən xalis mənfəətin də ötən ilin üçüncü rübündəki 0,90 dollardan bu ilin eyni dövründə 1,59 dollara yüksəldiyi bildirilib.

Ötən ilin üçüncü rübündə 7 milyard dollar gəlir əldə edən Facebook-un bu ilin üçüncü rübündə gəlirlərinin 47 faiz artaraq 10,33 milyard dollara çatdığı qeyd edilən açıqlamada, bu dövrdəki reklam gəlirlərinin isə 49 faiz artaraq 10,14 milyard dollara çatdığı ifadə edilib.

AYLIQ İSTİFADƏÇO SAYI 2 MİLYARDDAN ÇOXDUR

Facebook-un gündəlik və aylıq aktiv istifadəçi sayında da bu ilin iyul-sentyabr dövründə artım qeydə alınıb.

Açıqlamada, Sentyabrın sonunda Facebookun gündəlik aktiv istifadəçi sayının 1,37 milyard olduğu və bu rəqəmin keçən ilin eyni dövrü ilə müqayisədə 16 faiz artım göstərdiyi bildirilib.

Həmçinin, 30 Sentyabr 2017-ci il tarixində Facebookun aylıq aktiv istifadəçi sayının 2,07 milyarda çatdığının qeyd olunduğu açıqlamada, bu rəqəmin də 16 faiz yüksəldiyi məlumatına yer verilib.

Facebookun müsbət balansından sonra, şirkətin səhmləri Nyu-York Birjasının bağlanmasının ardından aparılan məhdud əməliyyatlarda 1,9 faiz dəyər qazanaraq 186,10 dollara qədər yüksəlib.

Analitiklər, gözləntilərin üzərində olan balans göstəricilərinin şirkətin səhmlərinə əsl əks olunmasının bu gün Nyu-York Birjasının açılmasından sonra baş verəcəyini bildirirlər.

02.11.2017 05:36

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az