Yanvarın 1-dən qüvvəyə minir, şirkətlərdən 54 milyon manat yığılacaq

Yanvarın 1-dən qüvvəyə minir, şirkətlərdən 54 milyon manat yığılacaq

Yanvarın 1-dən qüvvəyə minir, şirkətlərdən 54 milyon manat yığılacaq

"İşsizlikdən sığorta haqqında” Azərbaycan Respublikası Qanununun 2018-ci ilin yanvarın 1-də qüvvəyə minməsi ilə əlaqədar sığortaedənlər tərəfindən ödənilən sığorta haqqı hesablanmış əməyin ödənişi fondunun 0,5 faizi müəyyən edilmişdir.

İşsizlikdən Sığorta Fondunun 2018-ci il büdcəsinin gəlirləri və xərcləri 89 milyon 40 min manat məbləğində proqnozlaşdırılıb. Bu, “İşsizlikdən Sığorta Fondunun 2018-ci il büdcəsi haqqında” qanun layihəsində öz əksini tapıb.

Sənəddə bildirilib ki, gələn il fondun gəlirləri büdcədən maliyyələşən təşkilatlar üzrə 17 mln. 726 min 212, büdcədən maliyyələşən təşkilatlarda işləyənlər üzrə 17 mln. 726 min 212 manat, digər sığortaedənlər 53 mln. 567 min 576 və sair gəlirlərdən 20 min manat daxilolmalar hesabına təmin ediləcək.

Qanun layihəsində fondun xərclərinin istiqamətləri də açıqlanıb. Belə ki, 2018-ci ildə fond tərəfindən işsizliyə görə sığorta ödənişləri 33 mln. 478 min, peşə hazırlığı və əlavə təhsilin təşkilinə 1 mln. 613 min, peşə yönümünə dair məsləhət xidmətlərinin göstərilməsinə 1 mln. 150 min, əmək yarmarkaları və əmək birjalarının təşkilinə 120 min, haqqı ödənilən ictimai işlərin təşkilinə 1 mln. 788 min, özünüməşğulluq tədbirlərinin təşkilinə 35 mln. 802 min, sığortaolunanların əməkhaqqının müəyyən hissəsinin müəyyən müddətə (3 ay, 6 ay, 9 ay, 1 il) sığortaedənlərlə birlikdə maliyyələşdirilməsinə 1 milyon 380 min, məşğulluq xidməti orqanının aparatının və onun yerli orqanlarının saxlanılması xərclərinə 13 mln. 709 min manatın yönəldilməsi nəzərdə tutulur.

Sənəddə qeyd olunub ki, müvafiq icra hakimiyyəti orqanı sığorta haqları üzrə hər ay üçün toplanmış vəsaitləri növbəti ayın 1-dək İşsizlikdən Sığorta Fonduna köçürəcək. İlin sonuna işsizlikdən sığorta fondunun istifadə olunmamış vəsaitləri növbəti ilin xərclərinin maliyyələşdirilməsinə yönəldiləcək.

Sənəd Milli Məclisin plenar iclasında müzakirəyə çıxarılacaq. Parlament qanun layihəsini qəbul etdiyi halda sənəd ölkə başçısı tərəfindən imzalanmalıdır.

27.10.2017 06:48

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az