Cənub bölgəsində feyxoanın yığımına başlanılıb. Bu il yığım gecikib, məhsul da azdır. Amma qiymətlər hələlik təsərüfatçıları qane edir. Tədarükçülər isə vəziyyətdən gileylidir. Məhsulun azlığı və tədarükdə yaranan çətinliklər vaxt itkisi ilə yanaşı, onları artıq xərcə salır.

 
Bir neçə gündür feyxoa yğımına başlayan astaralı sitrusçular hələlik tezyetişın məhsulu toplayırlar. Bu sortdan hər təsərrüfatda olmadığı üçün məhsul da azdır.

Bu il tezyetişən feyxoa sortlarının da yığmına gec başlanılıb. Səbəb havaların quraq keçməsi və yağıntıların az olmamsıdır.

 
Təsərrüfat sahibi Xalidə Soltanova: “Suyumuz olmadı suvara bilmədik. Bir dəfə iki dəfə. Yağıntı da olmadı. İndi yağıntıdır amma bundan sonra gecdir. Keçən il 5 tondan çox yığdıq. Bu il də gözlüyürük də. Keçən ilki kimi olamaz, yenə də 3-4 ton olar.”

 
Məhsul az olsa da ilkin qiymətlər təsərrüfat sahiblərinin ürəyincədir. Onların sözlərinə görə feyxoaya tələbat həmişə olur. Hətta məhsul yetişməmişdən bir çox tədarükçülər gəlib beh də verirlər. Həyətlərdən tədarük edilən məhsul isə əsasən Rusiya bazarlarına göndərilir. 

 
Təsərrüfat sahibi Anar Rəhmətov: “Bir manat yarımdan – iki manat aralarında olduğuna görə indi dərim yaxşıdı. Kəndçilərimizə də sərf edir.

 
Təsərrüfat sahibi Sədayət Soltanov: “Süftə 2 manata – 1 manat 80 qəpiyə, 3 manata da olur.”

 
Tədarük məntəqələrində isə vəziyyət bir o qədər də ürəkaçan deyil. Belə ki, məhsulun azlığı tədarükçulərin işini çətinə salıb. 

Tədarükçü Mahir Məmmədov: “Ton yarım 2 günə yığılır. O da alınmır. Çünki məhsulun gərək tonnajı çox olsun ki, Rus mahalına göndərəndə sərfiyyatı ucuz olsun.”
 

Tədarükçü Nizami Hüseynov: “Bu vaxtı hər il 50-100 ton məhsul yığardıq. Bu il məhsul az olduğuna görə haradasa 3-4, 5-6 ton yığım güclə olur.”

 
Tezyetişən feyxoanın yığımı oktyabrın axırlarınadək, ümumi yığım isə növündən asılı olaraq dekabr ayınadək davam edəcək. Astara Kənd Təsərrüfatı İdarəsindən verilən məlumata görə ötən il 409, 2 ha məhsuldar feyxoa bağından 4 min 989,1 ton məhsul yığılıb. Bu il isə bu göstəricinin bir qədər aşağı olacağı gözlənilir.

© ARB