Mənzillərin təkrar satışında ƏDV yalnız qazancdan hesablanacaq

Mənzillərin təkrar satışında ƏDV yalnız qazancdan hesablanacaq

Azərbaycanda ikinci əl mənzillərin satışında ƏDV yalnız qazancdan hesablanacaq – 3 illik güzəşt.İkinci əl mənzillərin satışında ƏDV yükü azaldılır. Mənzil alıb-satan şirkətlərə vergi güzəşti tətbiq ediləcək.Azərbaycanda mənzillərin təkrar satışında ƏDV yalnız qazancdan hesablanacaq

Mənzillərin təkrar satışında ƏDV yalnız qazancdan hesablanacaq

Mənzil satışı prosedurunda yeni güzəşt tətbiq olunacaq.

Bu, Vergi Məcəlləsinə təklif olunan dəyişiklikdə əksini tapıb.

VTB-də minimal faiz dərəcəsi ilə nağd kredit 9.9%-dən

Layihəyə əsasən, bina tikintisi ilə məşğul olan və ya mənzil bazarının digər iştirakçısı olan ƏDV ödəyiciləri tərəfindən vətəndaşlardan nağdsız qaydada alınan mənzillərin təkrar satışı zamanı 3 il müddətinə ƏDV-nin ticarət əlavəsindən hesablanması təklif olunur.

Qeyd edilib ki, vergi ödəyiciləri tərəfindən vergi orqanına edilən müraciətlərdə qaldırılan əsas məsələlərdən biri bina tikintisi ilə məşğul olan və ya mənzil bazarının digər iştirakçısı olan ƏDV ödəyiciləri tərəfindən vətəndaşlardan alınan mənzillərin təkrar satışı əməliyyatları üzrə yaranan ƏDV yükünün yüksək olması ilə bağlı olub.

Hazırda bu cür mənzillərin satışı komisyon ticarəti formasında deyil, mənzillərin yenidən alınması və sonradan satılması kimi rəsmiləşdirilir. Nəticədə sözügedən əməliyyatlar üzrə ƏDV tam satış dəyərindən hesablanır ki, bu da faktiki olaraq yalnız satıcının əldə etdiyi ticarət əlavəsinə deyil, mənzilin ümumi qiymətinə vergi tətbiq edilməsinə səbəb olur.

Hər gün yeni vakansiyalar - AzVak.az-da

Bu yanaşma eyni iqtisadi mahiyyət daşıyan komisyon ticarəti ilə müqayisədə daha ağır vergi yükü yaradır, ikinci əl mənzil bazarında qiymətlərin artmasına, rəsmi satış kanallarının rəqabət qabiliyyətinin azalmasına və qeyri-rəsmi dövriyyənin stimullaşmasına şərait yaradır.

Qeyd olunanları nəzərə alaraq, vətəndaşlardan alınan mənzillərin təkrar satışı zamanı ƏDV-nin yalnız ticarət əlavəsindən (marjadan) hesablanması məqsədəuyğun hesab olunur. Bu yanaşma vergitutmanın iqtisadi mahiyyətinə uyğun olmaqla yanaşı. mənzil bazarının inkişafına, şəffaflığın artırılmasına və vergi daxilolmalarının orta və uzunmüddətli perspektivdə artmasına xidmət edəcək.

05.11.2026 12:33