ABŞ-da keçirilən aralıq seçkilərin ilkin nəticələrinin Demokratlar Partiyasının Konqresin hər iki palatasında mövqelərini gücləndirdiyini göstərməsi dünya bazarlarında qızılın bahalaşmasına səbəb olub. Dolların ucuzlaşması və ABŞ dövlət istiqrazlarının gəlirliliyinin azalması fonunda qiymətli metalın bir unsiyasının qiyməti 4000 dolları ötüb.

Marja.az xəbər verir ki, qızıl 3 faizədək bahalaşıb və Bakı vaxtı ilə saat 14:00-da 1 unsiysı 4048 dollara ticarət olunub. 

Səslərin ilkin hesablanmasının nəticələrinə görə, Demokratlar Partiyası həm Senatda, həm də Nümayəndələr Palatasında nəzarəti geri qaytarmaq uğrunda mübarizədə üstünlük qazanır.

Maliyyə bazarlarının iştirakçıları bu tendensiyanı Respublikaçı Prezident Donald Tramp administrasiyasının qarşıdakı iki il ərzində büdcə kəsirinin artmasına səbəb ola biləcək iqtisadi siyasəti həyata keçirmək imkanlarının məhdudlaşması ehtimalı ilə əlaqələndirirlər.

Dollarda son iki ayın ən kəskin ucuzlaşması ba verib

Seçkilərin ilkin nəticələri fonunda ABŞ dövlət istiqrazlarının gəlirliliyi bütün müddətlər üzrə azalıb. Eyni zamanda, dollar indeksi 0,5 faizədək geriləyərək son iki ayın ən böyük enişini qeydə alıb. Dolların zəifləməsi qızılın digər valyutalardan istifadə edən investorlar üçün nisbətən ucuzlaşmasına və qiymətli metala marağın artmasına şərait yaradıb.

Oversea-Chinese Banking Corp. bankının strateqi Kristofer Vonq (Christopher Wong) bildirib ki, investorlar Demokratların seçkilərdə güclü nəticə göstərməsinin Tramp administrasiyasının fiskal siyasətini məhdudlaşdırıb-məhdudlaşdırmayacağını qiymətləndirirlər.

Ekspertin sözlərinə görə, Demokratların güclənməsinin əlavə fiskal genişlənmə gözləntilərini zəiflədə biləcəyi ehtimalı qızılın bahalaşmasına müəyyən təkan verir.

ABŞ valyutasının beynəlxalq bazarlardakı dinamikasını əks etdirən Dollar İndeksi isə 0,5 faiz geriləyib.