Xarici bankların Azərbaycan bazarına daxil olmasına maneə yaradılır? – Taleh Kazımov cavab verdi

Xarici bankların Azərbaycan bazarına daxil olmasına maneə yaradılır? – Taleh Kazımov cavab verdi

Mərkəzi Bankdan xarici banklara mesaj: Azərbaycana gəlməyinizi istəyirik

Xarici bankların Azərbaycan bazarına daxil olmasına maneə yaradılır? – Taleh Kazımov cavab verdi

Azərbaycan Mərkəzi Bankı xarici kapitallı bankların ölkənin maliyyə sektoruna daxil olmasında maraqlıdır və onların Azərbaycanda fəaliyyət göstərməsini dəstəkləyir.

Marja.az xəbər verir ki, bunu Azərbaycan Mərkəzi Bankının sədri Taleh Kazımov jurnalistlərin suallarını cavablandırarkən bildirib.

Sədr xarici bankların Azərbaycan bazarına daxil olmasına Mərkəzi Bank tərəfindən məhdudiyyətlər yaradıldığı və tənzimləyici qurumun xarici investorların gəlişində maraqlı olmadığı barədə fikirləri təkzib edib.

“Bu fikir yanlışdır. Biz, əksinə, xarici bankların Azərbaycana gəlməsini dəstəkləyirik və bundan çox məmnun olarıq”, – deyə Taleh Kazımov vurğulayıb.

Onun sözlərinə görə, xarici bankların Azərbaycan maliyyə bazarına daxil olması bir neçə istiqamətdə müsbət nəticələr verə bilər.

Kazımov bildirib ki, xarici maliyyə institutlarının fəaliyyəti bank sektorunda rəqabətin güclənməsinə, insan kapitalının inkişafına və müasir informasiya texnologiyalarının tətbiqinin genişlənməsinə töhfə verə bilər.

Mərkəzi Bankın sədri qeyd edib ki, Azərbaycan təkcə bank sektoruna deyil, kapital bazarlarına və sığorta sektoruna da xarici investorların cəlb edilməsində maraqlıdır.

“Sözsüz ki, ölkəmizin maraqlarını qorumaqla biz xarici investorlara açığıq. Bu, yalnız bank sektoruna deyil, həm də kapital bazarlarına və sığorta sektoruna aiddir”, – deyə o bildirib.

Kazımov beynəlxalq tədbirlərdə və konfranslarda fəal iştirakının məqsədlərindən birinin də Azərbaycanın maliyyə sektorunu xarici investorlar arasında tanıtmaq olduğunu diqqətə çatdırıb. O qeyd edib ki, beynəlxalq platformalarda çıxışlar vasitəsilə ölkənin maliyyə bazarının imkanları təqdim olunur və potensial investorların diqqəti Azərbaycana cəlb edilir.

Hər gün yeni vakansiyalar - AzVak.az-da

Taleh Kazımov Azərbaycan Mərkəzi Bankı xarici banklar xarici kapitallı banklar bank sektorunda rəqabət xarici investisiyalar bank lisenziyası Azərbaycanda bank sektoru maliyyə bazarları sığorta sektoru kapital bazarı

30.10.2026 17:56