Mərkəzi Bankın sədri: Bankların kredit vermək üçün 4,6 milyard manat sərbəst vəsaiti var

Mərkəzi Bankın sədri: Bankların kredit vermək üçün 4,6 milyard manat sərbəst vəsaiti var

Bankların kredit vermək üçün böyük maliyyə imkanı olduğu açıqlanıb. Taleh Kazımov bank sektorunda milyardlarla manatlıq sərbəst vəsaitdən danışdıb.

Mərkəzi Bankın sədri: Bankların kredit vermək üçün 4,6 milyard manat sərbəst vəsaiti var

Azərbaycanda bank sektorunun izafi likvidliyi yüksək səviyyədə qalmaqda davam edir. Bankların mövcud tənzimləyici tələblər nəzərə alındıqdan sonra kreditləşməyə yönəldə biləcəyi sərbəst vəsaitlərinin həcmi 4,6 milyard manat təşkil edir.

Marja.az xəbər verir ki, bunu Azərbaycan Mərkəzi Bankının sədri Taleh Kazımov pul siyasətinə dair qərarın açıqlanması zamanı keçirilən mətbuat konfransında bildirib.

Onun sözlərinə görə, bank sektoru hazırda əhəmiyyətli izafi likvidlik şəraitində fəaliyyət göstərir.

“Məcburi ehtiyatlara dair tələbləri nəzərə aldıqdan sonra bank sektorunun 6,12 milyard manat izafi likvidliyi var. Mərkəzi Bank bu likvidliyi əsasən pul siyasətinin əməliyyat çərçivəsindəki alətlərlə sterilizasiya edir. Əsas alətimiz birhəftəlik depozitlərdir”, – deyə Taleh Kazımov qeyd edib.

Mərkəzi Bankın sədri vurğulayıb ki, bankların həm məcburi ehtiyatlar, həm də likvidlik üzrə prudensial tələbləri yerinə yetirməsindən sonra da kreditləşmə üçün böyük həcmdə vəsait qalır.

“Bütün məcburi ehtiyat və likvidlik tələblərimizi nəzərə alsaq, bankların hazırda kreditləşmə üçün 4,6 milyard manat sərbəst vəsaiti mövcuddur. Bu proses ötən ilin dördüncü rübündən başlayaraq davam edir”, – deyə o bildirib.

Bu göstəricilər bank sektorunda kreditləşmənin genişləndirilməsi üçün əhəmiyyətli likvidlik potensialının mövcud olduğunu göstərir. Bununla belə, sərbəst vəsaitlərin kreditə çevrilməsi bankların risk qiymətləndirməsindən, kredit tələbindən və borcalanların maliyyə vəziyyətindən də asılıdır.

Hər gün yeni vakansiyalar - AzVak.az-da

Taleh Kazımov Azərbaycan Mərkəzi Bankı bankların izafi likvidliyi 4 6 milyard manat 6 12 milyard manat bank kreditləri kreditləşmə məcburi ehtiyatlar pul siyasəti birhəftəlik depozitlər.

30.10.2026 10:28