Aparıcı onlayn ticarət provayderi olan "CFI Financial Group" 2026-cı ilin III rübündə şirkət tarixinin ən yüksək göstəricisinə – 3.45 trilyon ABŞ dolları həcmində nominal ticarət dövriyyəsinə çatdığını elan edib. Ticarət həcmi ötən ilin eyni dövrü ilə müqayisədə 123 % artaraq iki dəfədən çox yüksəlib, əvvəlki rüblə müqayisədə isə əlavə 14 % artım nümayiş etdirib.

"CFI Financial İnvestisiya Şirkəti"nin yaydığı məlumatda bildirilir ki, ticarət həcmi ötən ilin müvafiq dövrü ilə müqayisədə iki dəfədən çox, əvvəlki rüblə müqayisədə isə 14 % artım nümayiş etdirib.

Doqquz aylıq 8.8 trilyon ABŞ dolları həcmindəki ticarət dövriyyəsi 2025-ci ilin tam illik göstəricisini artıq üçdə birdən çox üstələyib.

Müştərilər tərəfindən icra edilən əməliyyatların sayı ötən illə müqayisədə iki dəfə artıb.

Bu nəticə CFI-ın ardıcıl 11-ci dəfədir ki, rekord rüblük ticarət həcmi açıqladığını göstərir. Eyni zamanda, 2025-ci ilin əvvəlindən bəri rüblük həcmin demək olar ki, üç dəfə artması biznesin fəaliyyət göstərdiyi bazarlarda davamlı genişlənməsini və miqyasının böyüməsini əks etdirir.

2026-cı ilin ilk doqquz ayı ərzində ticarət həcmi ötən ilin müvafiq dövrü ilə müqayisədə iki dəfə artaraq 8.8 trilyon ABŞ dollarına çatıb. Bu rəqəmlər Qrupun lisenziyalaşdırılmış qurumları üzrə ümumi ticarət aktivliyini ifadə edir. İlin sonuna hələ üç ay qalmasına baxmayaraq, CFI artıq 2025-ci il üzrə tam illik 6.4 trilyon dollarlıq həcmi üçdə birdən çox üstələyərək inkişaf trayektoriyasının gücünü və davamlılığını bir daha vurğulayıb.

III rübdə müştəri aktivliyi

Müştəri aktivliyi ticarət həcminə paralel olaraq böyüyüb. İstər ticarət, istərsə də mədaxil əməliyyatlarında illik müqayisədə əhəmiyyətli artım müşahidə edilib:

III rübdə 90 milyon əməliyyat icra edilib ki, bu da 2025-ci ilin III rübü ilə müqayisədə düz iki dəfə çoxdur.

Cari ilin əvvəlindən bu günədək 250 milyondan çox əməliyyat həyata keçirilib.

Mədaxil əməliyyatlarının sayı ötən ilin eyni dövrü ilə müqayisədə III rübdə 60 %, ilk doqquz ay ərzində isə 43 % artıb.

Bütövlükdə bu rəqəmlər CFI platformalarında ticarət aktivliyinin və müştəri aktivliyinin artdığını əks etdirir, həmçinin Qrupun ticarət imkanlarına və müştəri təcrübəsinə davamlı investisiya yatırmasının nə dərəcədə önəmli olduğunu təsdiqləyir.

"CFI Financial Group"un Baş İcraçı Direktoru Ziad Melhəm qeyd edib: "Cəmi doqquz ay ərzində 2025-ci ilin tam illik ticarət həcmini geridə qoymağımız mühüm bir nailiyyətdir və CFI-ın çatdığı miqyası, əldə etdiyi dinamikanı əks etdirir. Bu, həm biznesimiz üçün güclü bir nəticə, həm də bütün Qrup üzrə komandalarımızın əzmkarlığının əyani sübutudur.”

“Biz həm coğrafiyamızı genişləndirmək, həm də xidmət göstərdiyimiz bazarlarda mövqeyimizi daha da möhkəmləndirmək baxımından qarşıda böyük imkanlar görürük. İmkanlarımızı genişləndirməklə, müştəri təcrübəsini inkişaf etdirməklə və müştərilərimiz üçün yeni fürsətlər yaratmaqla, qurduğumuz bu nəhəng miqyası daha da inkişaf etdirməyi və onu davamlı rəqabət üstünlüyünə çevirməyi hədəfləyirik".

Ticarət göstəricilərindən daha çoxu

Rekord ticarət aktivliyi ilə yanaşı, CFI liderliyini gücləndirməyə və xidmət portfelini genişləndirməyə davam edib. Federico Çirulli Müşahidə Şurasının sədri təyin olunub, François du Plessis isə "CFI Cənubi Afrika"nın Ölkə Baş İcraçı Direktoru vəzifəsinə gətirilib.

Şirkət eyni zamanda mövcud uzadılmış ticarət saatları imkanlarını tamamlayan və fasiləsiz qızıl ticarətinə şərait yaradan 24/7 qızıl (XAUUSD-24H) alətini istifadəyə verib.

Həmçinin Qrup "Forex Expo Dubai 2026" tədbirində "BƏƏ-nin Lider Brokeri" və "PROFX Expo Africa 2026"da "İlin Ən Yaxşı Ticarət İcrası" mükafatlarına layiq görülüb.

Gələcəyə baxış

2026-cı ilin son rübünə irəliləyərkən CFI texnologiya və infrastrukturunu gücləndirməyə, məhsul çeşidini şaxələndirməyə və əsas bazarlarda mövqeyimizi gücləndirməyə  fokuslanır. İlin həlledici mərhələsinə qürurverici nəticələrlə daxil olan CFI, uzunmüddətli inkişafa və qlobal şəbəkəsi üzrə müştərilər üçün daha çox dəyər yaratmağa sadiq qalır.

CFI Financial İnvestisiya Şirkəti QSC-nin tərkibində olduğu CFI Financial Group haqqında

1998-ci ildə təsis edilmiş CFI Financial Group onlayn treydinq və investisiya sahəsində qlobal miqyasda tanınan lider şirkətlərdən biridir. Tənzimlənən onlayn treydinq provayderi kimi 25 ildən artıq təcrübəyə, qabaqcıl texnologiyalara və premium xidmətə malik CFI səhmlər, valyutalar, əmtəələr və digər maliyyə alətləri üzrə yüksək rəqabətli şərtlərlə qlobal və yerli bazarlara rahat çıxış təqdim edir. Qrup London, Əbu-Dabi, Dubay, Keyptaun, Bakı, Beyrut, Amman, Qahirə və Boqota daxil olmaqla əsas maliyyə mərkəzlərində fəaliyyət göstərir.

CFI uzunmüddətli müştəri münasibətlərinin qurulmasına və treyderlərin inkişaf yolunun hər mərhələsində dəstəklənməsinə sadiqdir. Qrupun qlobal brend səfirləri – yeddiqat Formula One™ dünya çempionu Lyuis Hamilton və tennis əfsanəsi Mariya Şarapova, eləcə də Əbu-Dabi Mədəniyyət və Turizm Departamenti, Livan Basketbol Federasiyası və İordaniya Futbol Assosiasiyası daxil olmaqla aparıcı idman və mədəniyyət qurumları ilə tərəfdaşlıqları innovasiya, yüksək performans və uğura ortaq sadiqliyi əks etdirir, eyni zamanda dünya üzrə mədəni və ictimai təşəbbüsləri dəstəkləyir.