Sahib Rzayevə iki vəzifə həvalə olundu – Prezident sərəncam imzaladı

Sahib Rzayevə iki vəzifə həvalə olundu – Prezident sərəncam imzaladı

Prezident Sahib Rzayevi nazir müavini və Penitensiar xidmətin rəisi təyin etdi

Sahib Rzayevə iki vəzifə həvalə olundu – Prezident sərəncam imzaladı

Prezident İlham Əliyev Sahib Cəlil oğlu Rzayevin Azərbaycan Respublikası ədliyyə nazirinin müavini – Penitensiar xidmətin rəisi təyin edilməsi haqqında sərəncam imzalayıb.

Marja.az xəbər verir ki, sərəncam 27 oktyabr 2026-cı il tarixində imzalanıb.

VTB-də minimal faiz dərəcəsi ilə nağd kredit 9.9%-dən

Sənədə əsasən, Sahib Cəlil oğlu Rzayev Azərbaycan Respublikasının ədliyyə nazirinin müavini – Penitensiar xidmətin rəisi vəzifəsinə təyin edilib.

Sərəncam Azərbaycan Respublikası Konstitusiyasının 109-cu maddəsinin 32-ci bəndinə uyğun olaraq imzalanıb.

Qeyd edək ki, S.Rzayev müxtəlif illərdə daxili işlər orqanlarında müstəntiq, Fövqəladə Hallar Nazirliyində şöbə, idarə və baş idarə rəisi vəzifələrində çalışıb. Bu təyinata qədər Ədliyyə Nazirliyinin İstintaq idarəsinin rəisi vəzifəsində işləyib.

Prezidentin digər sərəncamı ilə, Mirsaleh Miradil oğlu Seyidov Azərbaycan Respublikası ədliyyə nazirinin müavini - Penitensiar xidmətin rəisi vəzifəsindən azad edilib.

Hər gün yeni vakansiyalar - AzVak.az-da

XXXX

M.M.Seyidovun Azərbaycan Respublikası ədliyyə nazirinin müavini - Penitensiar xidmətin rəisi vəzifəsindən azad edilməsi haqqında Azərbaycan Respublikası Prezidentinin Sərəncamı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

Mirsaleh Miradil oğlu Seyidov Azərbaycan Respublikası ədliyyə nazirinin müavini - Penitensiar xidmətin rəisi vəzifəsindən azad edilsin.

XXX

S.C.Rzayevin Azərbaycan Respublikası ədliyyə nazirinin müavini - Penitensiar xidmətin rəisi təyin edilməsi haqqında Azərbaycan Respublikası Prezidentinin Sərəncamı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

Sahib Cəlil oğlu Rzayev Azərbaycan Respublikası ədliyyə nazirinin müavini - Penitensiar xidmətin rəisi təyin edilsin.

İlham Əliyev

Azərbaycan Respublikasının Prezidenti

Bakı şəhəri, 27 oktyabr 2026-cı il