Britaniya şirkəti Azərbaycanın Yaşıl Enerji Dəhlizinə sərmayə yatırmaq istəyir

Britaniya şirkəti Azərbaycanın Yaşıl Enerji Dəhlizinə sərmayə yatırmaq istəyir

Azərbaycanın nəhəng enerji layihəsinə Britaniyadan investor marağı. “Xlinks” şirkəti Azərbaycanın Avropaya elektrik ixracı layihəsinə qoşulmaq istəyir.

Britaniya şirkəti Azərbaycanın Yaşıl Enerji Dəhlizinə sərmayə yatırmaq istəyir

Bakıda energetika naziri Pərviz Şahbazovla Böyük Britaniyanın “Xlinks” şirkətinin baş icraçı direktoru James Humfrey arasında görüş keçirilib.

Görüşdə “Xəzər-Qara dəniz-Avropa Yaşıl Enerji Dəhlizi”nin inkişafında şirkətin mümkün iştirakı, layihənin texniki və kommersiya həlləri, maliyyələşdirmə və idarəetmə modeli üzrə fikir mübadiləsi aparılıb.

Nazir Pərviz Şahbazov elektrikləşmənin sürətləndiyi dövrdə ölkələrarası enerji bağlantılarının enerji təhlükəsizliyi, ekoloji dayanıqlılıq və iqtisadi rifah baxımından əhəmiyyətini vurğulayıb. Bu bağlantıları ölkələr və regionlar arasında yeni ticarət imkanları yaradan körpülərə bənzədən nazir Cənub Qaz Dəhlizi təcrübəsinin belə layihələrin xalqları birləşdirdiyini, əlavə iqtisadi dəyər və uzunmüddətli əməkdaşlıq yaratdığını göstərdiyini bildirib. Yaşıl Enerji Dəhlizində fiber-optik bağlantının da nəzərdə tutulmasının enerji və rəqəmsal əməkdaşlıq imkanlarını genişləndirdiyi qeyd edilib.

James Humfrey şirkətin layihənin inkişafına dəstək göstərmək, birgə investisiya qoymaq və inkişaf mərhələsində öz vəsaiti ilə iştirak etmək marağını ifadə edib.

“Xlinks”in texniki komandasının sualtı kabel və yüksək gərginlikli sabit cərəyan sistemləri üzrə təcrübəsi barədə məlumat verilib. Kapital xərclərinin optimallaşdırılması, icra müddətlərinin qısaldılması və Avropa bazarlarına çatdırılacaq elektrik enerjisinin rəqabətqabiliyyətliliyinin artırılmasına dair təkliflər təqdim olunub. Tənzimlənən və kommersiya əsaslı komponentləri birləşdirən hibrid modelin maliyyələşdirmə imkanları və Avropa İttifaqının tənzimləyici çərçivəsi ilə uyğunluğu nəzərdən keçirilib.

Hər gün yeni vakansiyalar - AzVak.az-da

Xlinks James Humfrey Pərviz Şahbazov Yaşıl Enerji Dəhlizi Xəzər-Qara dəniz-Avropa Yaşıl Enerji Dəhlizi Azərbaycan Böyük Britaniya əməkdaşlığı Britaniya investisiyaları Azərbaycandan Avropaya elektrik enerjisi ixracı sualtı elektrik kabeli HVDC bərpa olunan enerji yaşıl enerji enerji infrastrukturu Avropa enerji bazarı fiber-optik kabel enerji təhlükəsizliyi.

22.10.2026 16:48